Bertsolari Txapelketa Nagusia 2017 2017-12-02

Aitor Sarriegik irabazi du Iruñeko saioa eta Unai Agirrek itxi du finaleko zortzikoa

Gaur jokatu da Bertsolari Txapelketa Nagusia 2017ko azken finalaurrekoa Iruñeko Anaitasuna kiroldegian. Aitor Sarriegi beasaindarra nagusitu da. Irabazlearekin kantuan izan dira Aitor Mendiluze, Alaia Martin, Miren Amuriza, Oihana Iguaran eta Unai Agirre. Alaitz Rekondo aritu da aurkezle lenetan eta ia 3.000 bertsozalek jarraitu dute saioa zuzenean. Miren Amurizak oholtza utzi egin behar izan du hainbat alditan zortziko nagusian sudurretik odola hasita.

Horrela sailkatu dira sei bertsolariak:

1- Aitor Sarriegi            698,50

2- Aitor Mendiluze         696,50

3- Unai Agirre               696,00

4- Miren Amuriza           652,00

5- Alaia Martin               649,5

6- Oihana Iguaran         646,00

Finaleko zortzikotea

Amets Arzallus, Maialen Lujanbio, Aitor Mendiluze, Igor Elortza, Sustrai Colina, Aitor Sarriegi, Beñat Gaztelumendi eta Unai Agirre izango dira BEC-en, abenduaren 17an.

Iruñeako bertsoaldi onenak sareko plazan, Hitzetik Hortzeran eta Aulki-jokoan

Zazpigarren finalaurreko honetako bertsoaldi onenak ikusteko aukera bat baino gehiago izango dira gaurtik aurrera. Bertsoa.eus sareko plaza digitalean saioan kantatutako bertsoaldi onenen hautaketa zabala ikusgai egongo da. Horrez gain, asteartean, sei bertsolariek oholtzan bizitakoari buruz bertsoaren mikrofoan kontatutakoak batuko dituen bideoa argitaratuko dugu. Bihar igandea, hilak 3, eguerdiko 15:00etan hasita ETB1en Hitzetik Hortzera telbista programan Anaitasunan kantatu diren bertsoaldi onenak eskeiniko dira. Horrez gain, asteleheneko  Aulki-jokoa telebista programan gaurko saioan analisia egingo du Andoni Egañak eta beste hainbat bertsoaldirena ere ikusteko aukera izango da bertsolarien ahoetatik zuzenean. Horren gain,sss