Larunbatean aurkeztuko dute 2007-11-20

Bertso Eskola berria Iruñean

Gaztetxoak bertsolaritzara bildu eta Irunea eta Iruñerrian erreferente izatea Berttso Eskola berriaren helburuetako batzuk. Zaldiko-Maldiko da aurkezpena, larunbatean 12:00etan.

Iruñeak Bertso-Eskola berria izango du aurrerantzean eta horren berri emateko aurkezpen jaia izango da larunbatean. Ekitaldia 12:00etan da Zaldiko Maldikon eta honako hauek arituko dira hizlari: Aitzol Mendiola (Iruñeko Bertso Eskolako lehendakaria), Erika Lagoma (Iruñeko Bertso Eskolako idazkaria), Manolo Arozena (Nafarroako Bertsozale Elkarteko lehendakaria,) eta Kike Díez de Ulzurrun (Zaldiko Maldiko Bertso Eskolako kide izandakoa).  Luntxa eta bertso-poteoa egongo dira ondoren, eta bertso-bazkaria gero Jon Barberena eta Amets Arzallus bertsolariekin. Arranon.

Lau kezka eta helburuk bultzatu duten proiektua, bultzatzaileen arabera:

• Iruñea/Iruñerria mailan bertsoarekin lotura zuzena duen erreferente ezagun baten falta.
• Gaztetxoek bertsolaritza/eskola lotura zuzena egitea.
• Nafarroako Bertsozale Elkartearen gain egotea bertso sustatzeko ardura guztia.
• Gaztetxo nahiz bertako bertsolarientzat plazak sortzea.

Zortzi talde Iruñan
Gaur egun Txantrean 3 talde daude, Barañainen 2 talde, Mendillorrin talde bat, Sanduzelain talde bat eta iturraman beste talde bat daude. Umeen bertso eskolez gain helduen lau talde daude. Hauetako bat Iruñako udalak eskaintzen dituen sormen tailerren barruan. Bertan irakasle Arkaitz Goikoetxea, Estitxu Arozena eta Erika Lagoma dabiltza.
Gauzak horrela, Indarrak batzea, Iruñean eta Iruñerrian erreferente bat sortzea, eta gazte zein gaztetxoek bertso-eskolaren izatea sentitzeko gunea bihurtzea dira Bertso Eskola berriaren helburuetako batzuk, heldu, gaztetxo nahiz umeen gune izatea. Baita plaza berriak sortu eta Bertsozale Elkartearekin elkarlanean aritzea bertsolaritzaren sustapenean.


Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"