Laugarren edizioa 2018-01-23

Nafarroako Bardoak kantuan hastera doaz

Laugarren edizio honetan 16 talde eta 113 parte hartzaile ariko dira. Helduen bertso eskolak dauden gune guztiek hartu dute parte. Otsailaren 2an Beran abiatu eta martxoaren 24an bukatuko da, Lekunberrin.

Nafarroako Bardoak eztarriak berotze hasi dira otsailaren 2an kantari hasteko. Laugarren edizioa izango da eta orain arteko eutsiko diote, formulak ondo funtzionatu duelako. Aldaketa nagusia finalean egongo da: frontoitik sagardotegira aldatu dute, finalaren ere inguru bilduagoa emate aldera. Bertsozale Elkarteko eta parte hartzaileek hitzak jaso ditu Bertsoak, larunbatean egindako aurkezpenean.

16 talde kantuan eta 23 saio
Bardoetako laugarren edizioak 16 talde eta 113 parte hartzaile izango ditu, eta horietatik 74, bertsolariak. Beteranoak gazteekin nahasiko dira, eta ibilbide luzekoak hasi berriekin aterako dira plazara. Denera, 23 saio izango dira. Kopuruak bezain bat kontuan hartzeko datua da helduen bertso eskolak daude eremu guztiek hartu dutela parte ekimenean. Nafarroako Bertsozale Elkartearen hitzetan, datuok "Bertsolaritzaren transmisioan jarritako arreta eta indarraren fruitu dira. Bestelako gailurren oinarri dira bertso-eskolak eta tokian tokiko plazak, eta oinarri hori sendoa dela erakusten du Bardoak 2018 egitasmoak. Horren bidetik etorriko dira fruitu berriak ere."

Hamasei talde parte hartzaileak bost multzotan egongo dira banatuta. Hala, talde bakoitzak bere multzoko bi talderekin egingo ditu saioak, bat “etxean” eta bestea “kanpoan”. Bigarren fasera multzo bakoitzeko talde bana eta F multzoko bi talde pasako dira, guztira sei talde. Bigarren fasean joan-etorriko saioak antolatuko dituzte taldeek, eta hiru sailkatuko dira finalera. Finala salbu, saioak elkarte girokoak izango dira, hurbilak, gozoak eta berritzaileak. Kasu gehienetan, gainera, saio horiek otorduekin osatuko dira.

2012an abian jarritako ekimena
Nafarroako Bardoak 2012an jarri ziren martxan, herrialdeko bertso-eskolen sarea indartu asmoz. Ordutik, bi urtean behin antolatzen da, auzolana eta talde lana oinarrian jarriz. Modu horretan, bertsolaritza beste modu batera lantzeko aukera ematen da, bertsolari eta bertsozaleen harrobia sustatuz, gune berriak barneratuz eta molde parte-hartzaileak praktikan jarriz.  Hiru edizio arrakastatsuren ostean, laugarrenez jokatuko da aurten taldekako txapelketa. Otsailaren 2an abiatuko da Beran, eta martxoaren 24an bukatu, Lekunberriko Toki Alai Sagardotegian egingo den finalarekin. Finala, lehiaz harago, Nafarroako bertsolaritzaren eta euskal kulturaren festa handia izango da.

 

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin