Bizkaiko Bertsozale Elkarteak egin du deialdia 2009-06-16

Bertsolaritza eta Ahozkotasuna proiekturako irakasleak behar dira

 Bertsolaritza eta Ahozkotasuna proiekturako irakasle poltsa osatu nahian dabil Bizkaiko Bertsozale Elkartea. 2009-2010 ikasturterako beharrei erantzuteko irakasleak behar dira. Irakasle hauek hiru alorretan ariko dira: hezkuntza arautuan, bertso eskoletan eta jarduera osagarrietan.

 Postua lortu ahal izateko ezinbestekoa da lizentziatua edo diplomatua izatea edo unibertsitate ikasketen azken zikloan egotea.

 Honez gain, honako titulu eta esperientziak ere kontutan hartuko dira:

 -Bertsozalea izatea
 -Irakaskuntzan esperientzia edukitzea
 -Koordinazio eta antolaketa lanetarako gaitasuna eta esperientzia
 -Gidabaimena edukitzea

 Aukeratzen direnei formazio ikastaroak eskainiko zaizkie.

 Interesa daukanak curriculum vitaea bidali beharko du Bizkaiko Bertsozale Elkartera. Bi bide dauzka horretarako. Posta arruntez, honako hau da helbidea: Zabale kalea, 9-behea 48 200 Durango. E-posta, berriz, hona bidali beharko litzateke: bizkaia@bertsozale.com.

 Curriculuma bidaltzeko epea 2009ko uztailaren 3an itxiko da. Informazio gehiago nahi duenak hona deitu dezake: 946 81 27 11. 

• 
•