Martxoan Bertsoa 2018-03-01

Martxo bete bertso Urretxun eta Zumarragan

 Gero eta entzute handiagoa duen ekimena da Urretxun eta Zumarragan urtero egiten den Martxoan Bertsoa. Aurtengoan hamaseigarren ediziora iritsi da Zumarraga-Urretxuko bertso-eskolak antolatutako zikloa.

 Taldekako sariketa

 Beharbada taldekako sariketa izango da ekimeneko ekitaldi bereziena. Bertsolariak taldeka aritzen dira kantuan, mozorrotuta askotan. Aurtengoan bi kanporaketa jokatu dira jadanik, eta sei talde aritu dira horietan kantuan. Finala martxoaren 23an jokatuko da, ostiralez, Gaztelekun, gaueko 23:00etan.

 "Erradikalak gara"

 Bestetik, igande honetan "Erradikalak gara" saioa eskainiko dute Ane Labakak eta Beatriz Egizabalek Gaztelekuan bertan, iluntzeko 19:30ean. Bertsoa eta bakarrizketa uztartzen dituen emanaldia da "Erradikalak gara", eta Ane Labaka bertsolaria eta Beatriz Egizabal antzerkilari eta ipuin kontalaria ditu protagonista.

 Bertso musikatuak

 Aurtengo Martxoan Bertsoa zikloa bukatzeko, bertso musikatuak eskainiko dituzte Gaztelekun bertan martxoaren 9an, gaueko 23:00etan.