Arabako Bertso Kuadrilla artekoa 2018-03-05
Errekaleor Bizirik, finalera
Kuadrilla artekoaren finala Gasteizen izango da martxoaren 17an. Errekaleor Bizirik, Aramaioko Ibabeko Bertaren bilobak eta Arabako Errioxako Txandrio arituko dira bat-batean. Egun osoko jaia izango da.
Arabako Kuadrilla artekoaren hirugarren finalaurrekoa jokatu da asteburuan Aramaioko Sastiñan. Sumendi bete Poto eta Erreralekor Birizik! aritu ziren kantuan. Sumendi bete poto taldean kantuan Peru de Pedro, Ainhoa Aizpurua, Gorka Guerra, Beñat Garaio eta Julen Martiartu aritu ziren.
Erreralekor Birizik! taldean Eñaut Otxoa de Eribe, Maddi Sarasua, Sabin Aranburu, Aitor Irastortza eta Peio Ormazabal. Gai jartzen Oier Suarez Zalduondoarra aritu zen eta epaile lanetan Manex Garaio Sumenditarra, Jon Hidalgo Erreralekortarra eta Arabako Bertsozale Elkartetik Aitor Jimenez.
Pikoteo txiki baten ostean saioari hasiera emateko Aramaioko Bertso Eskolako, Meka taldearen bertso sorta, Aramaio Arrasate eta Aretxabaletako bermudetako triangeluaren erdibideko Meka gasolindegiari omenez.
Finalaren eguna, martxoaren 17a, egun osoko festa izango da Gasteizko alde zaharrean. Eguerdian, Gasteizko muinoan kokatu dagoen Landatxo kiroldegitik hasita, idatzizko eta bat-bateko taldeak arituko dira tabernaz taberna. Bazkal ostean finala jokatuko da. Errekaleor Bizirik, Aramaioko Ibabeko Bertaren bilobak eta Arabako Errioxako Txandrio ariko dira bat-batean. Idatzizko sortak ere izango dira.Bazkarian izena emateko deitu 675 70 79 71 edo idatzi araba.sustapena@bertsozale.eus. Finalerako sarrerak bertan jarriko dira salgai.
Albiste gehiago
EHBT26 2026-10-10
Xabat Illarregi, Gotaineko gorabeherei bertsoz bertso eutsiz
Igotz Alkorta Irastortza
Bertsoak ez du adinik 2026-10-07
Adin-adin, bertsoa zabaltzen Nafarroako adinekoen egoitzetan
Igotz Alkorta Irastortza
