13 saio dohainik 2018-03-06

Araban bertso-saioak doan antolatzeko eskaintza publikoa egin du Arabako Bertsozale Elkarteak

Araban bertso-saioak doan antolatzeko eskaintza publikoa egin du Arabako Bertsozale Elkarteak
Arabako Bertsozale Elkarteak 13 bertso-saio dohainik antolatzeko eskaintza publikoa egin du. Eskaintza hau Arabako elkarteei eta kolektiboei zuzenduta dago. Eskaerak martxoaren 15a baino lehen aurkeztu behar dituzte kolektiboek. Bertso-saioa 2018ko udan antolatu behar dute.

Arabako Bertsozale Elkarteak 13 bertso-saio dohainik antolatzeko eskaintza publikoa egin du, Arabako elkarteei eta kolektiboei zuzenduta. Bertso-saioak antolatuz bertsolaritza ezezaguna den tokietara eta kolektiboengana hurbiltzeko helburua du ARABA BERTSOZALE egitasmoak. Gasteiz hiriburua eskaintza honetatik kanpo gelditzen da eta bertso-saioak Araba osoan zehar banatzeko ahalegina egingo du Arabako Bertsozale Elkarteak, hau da, 13 saioak Aiaraldean, Gorbeialdean, Lautadan, Mendialdean, Arabako Errioxan, Trebiñun eta Añanan banatzen saiatuko da.

Helburuak
Araba Bertsozale Egitasmoak hiru helburu nagusi ditu: Bertsolaritza ezezaguna den Arabako tokietara eta kolektiboengana hurbiltzea. Bertso-saioak antolatzeko berezko iniziatiba sortzea. Eta bertso-saioen bitartez euskararen ekosistema elikatzen eta garatzen jarraitzea. Helburu horietarako aurten 7.000 euroko diru ekarpena bideratuko Arabako Bertsozale Elkarteak eskaintza publiko honetara. Bi bertsolariko saioak saioak izango dira eta formato desberdinak izango ditu antolatzaileak aukeran: bertso-bazkari/afariak, bertso-poteoa, bertso pilota... Ekimen honi esker iaz ere 13 saio egin ziren Araba osoan zehar.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin