Iker Zubeldia - Elkarrizketa 2018-03-15

"Badaukat arantzatxo bat: beste gai mota batzuetan ere gustura kantatuko nuke"

Iker Zubeldiak (Zegama, 1981) 15 urtetik gorako bidea egin du bertsolaritzan, Euskal Herriko plaza nagusietan. Jaialdiak zein otordu bueltakoak, biak ditu oso gustuko formatoak, eta duela urte batzuk ekimen propioz libreko formatu batean ere ibili zen herriz herri taldean. 2013an kantatu zuen azkeneko aldiz txapelketan, Euskal Herrikoan hiru aldiz parte hartuta eta 2007an Gipuzkoako finalean kantatuta. Bere begirada berezia eta, batez ere, umorea ditu berezitasun aitortuenak. Gustura sentitzen da eremu horretan, baina burua beste era bateko gaiekin ere probatuko lukeela dio. Hizkuntza egokitasunari garrantzia handia ematen dio Zubeldiak, estandarren beharraz jabetu arren. Zubeldiak bere bertsogintza eta bertsolaritza ikuspegiaren lekukotza utzi du sareko plazan.