"Bertsolaritza Genero Ikuspegitik" jardunaldiak 2018-07-02

Elixabete Perez: "Joxepa Anttoni Aranberrik gizartea antolatzeko modu bat auzitan jartzen du"

Joxepa Anttoni Aranberri "Xenpelar" bertsolariaren inguruan ikerketan aritu izan da azken urteotan. Bertsolaritzari egozten zaizkion topiko batzuk apurtzen dituelakoan dago, kaletarra eta fabrikako langilea izateaz gain fabrikan bertan ere kantatzen baitu. Ikerketan oraindik bide ederra egin daitekeela azaldu du.

 Urteak dira Elixabete Perez bertsolaritzaren inguruan ikerketan hasi zela. Joxepa Anttoni Aranberri "Xenpelar" bertsolaria aztergai hartu eta lan ederra osatu du. Lan hori ardatz hartuta osatu zuen "Bertsolaritza Genero Ikuspegitik" jardunaldietako hitzaldia.

 Topikoak hausten dituen bertsolaria

Joxepa Anttoni Aranberri "Xenpelar"-ek bertsolaritzari egozten zaizkion topiko batzuk hausten dituelakoan dago Elixabete Perez. Joxepa Anttoni Aranberri "Xenpelar" ez baitzen ez baserritarra, ez nekazaritza girokoa eta ezta ezjakina ere. Kalekoa zen, fabrikako langilea eta fabrikan bertan aritzen zen bertsotan. Horrez gain, neskazaharren aldeko bertsoak jarri izan zituen, eta horiekin gizartea antolatzeko modu bat auzitan jarri zuelakoan dago, emakumeen ohiko rolekin apurtu baitzuen. Bere iritziz ezin da esan bertsolari feminista zenik, baina gaur egungo ikuspegiarekin aztertuta ikuspegi feminista baten sendogarri izan zitekeelakoan dago.

 Ikerketan bide luzea egiteko

 Azken urteotan emakume bertsolarien inguruko ikerketak ugaritu badira ere, oraindik bide luzea egin beharko delakoan dago Elixabete Perez. Esate baterako, Joxepa Anttoni Aranberri "Xenpelar" bertsolariaren inguruko lana argitaratu zuten arte ez zegoen emakume bertsolari baten inguruko lan monografikorik.

Albiste gehiago

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»