"Bertsolaritza Genero Ikuspegitik" jardunaldiak 2018-07-03

Maialen Lujanbio: "Saiatu naiz lurrikaratxo hau parekatzen gu gazte ginenean gazte belaunaldi deitu zen haren sarrerak sortutako dardarizoarekin"

Hiru pausutako hitzaldia eskaini zuen hernaniarrak. Hasteko, gaur egun diskurtso feministarekin eta emakume bertsolariekin gertatzen ari den "lurrikaratxoa" 90eko hamarkadan belaunaldi berri bat bertsogintzan txertatzeak sortu zuenarekin alderatu zuen. Ondoren, bertsolaritzaren ekosistema gaur egun nola ikusten duen azaldu zuen. Eta, bukatzeko, emakume bertsolarien sare "potente" horri begira jarri zuen lupa.

 Edukiz betetako hitzaldia eskaini zuen UEUko "Bertsolaritza Genero Ikuspegitik" jardunaldietan Maialen Lujanbiok. Bertsolaritzan azken urteotan gertatzen ari diren aldaketak eta aldaketa horiek sortu duten lurrikara abiapuntutzat hartuta, azterketa sakon eta xehea egin zuen hernaniarrak.

 90eko hamarkadako aldaketekin parekotasunak

 Hasteko, gaur egun dirkurtso feministarekin eta emakume bertsolariekin gertatzen ari den "lurrikaratxoa" 90eko hamarkadan belaunaldi berri bat bertsogintzan txertatzeak sortu zuen "dardarizoarekin" parekatu zuen. Noski, ezberdintasunak ere ikusten ditu bi gertaeren artean, emakumetasunari edo generoari dagozkion pertzepzioetan ezberdinak baitira bi garaiak. Baina antzeko ezaugarriak ere ikusten ditu.

 Bertsolaritzaren ekosistema

 Ondoren, bertsolaritzaren ekosistemaren gaur egungo egoerari ere begirada zabal bat eskaini zion. Gertatzen ari diren aldaketen aurrean gizonezko bertsolariak eta audientziak nola ikusten dituen azaldu zuen. Eta, bukatzeko, emakume bertsolarien sareari ere begiratu zion: mugimendu potentea izanik, aurrera begirako zenbait gako eman zituen.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin