Mintzola Ahozko Lantegiaren eskutik 2018-11-29

Bertsolaritzari buruzko bost ikerlan Mintzola Mintegian

Antxoka Agirrek, Beñat Muguruzak, Ane Labakak, Harkaitz Zubirik eta Luzia Alberrok gai desberdinei buruzko azterlanak plazaratu zituzten Mintzola Mintegian.

Bertsolaritzaren inguruko hainbat ikerketa abian dira eta horietako bost aurkeztu dira aurtengo Mintzola Mintegian, Amasa-Villabonako Subijana etxean egin zen ekitaldian. Ane Labaka, Antxoka Agirre, Beñat Muguruza, Harkaitz Zubiri eta Luzia Alberro ikerlariek aurkeztu zituzten beren lanak.

Antxoka Agirrek kazetari eta unibertsitateko irakasleak bertsolaritzak hasieratik hedabideetan egin duen bidea aztertzen ari da eta orain artekoaren aurrerapena eskaini zuen.

Luzia Alberro historialariak Gipuzkoan 1830-1936 urteetan nozitutako aldaketak nola bizi izan zituen ikertu du, bertso-paperak oinarri hartuta.

Harkaitz Zubiri ikerlariak, bertsozaletasunaren ikerketa soziologikotik abiatuta, bertsolaritzak kultura sortzeko eredu eraginkorrago baten bila eman dituen urratsak aletuko ditu

Ane Labakak 2017ko Bertsolari Txapelketa Nagusiko umorea izan zuen aztergai, genero-ikuspegitik.

Beñat Muguruzak hitanoa bertsotan du gaia eta 2017ko Txapelketan kokatu zuen bere ikerlana.


Ikerketaren garrantzia eta ekarpena
Mintzola Ahozko Lantegiak eta EHUko Mikel Laboa Katedrak lankidetzan bultzatu dituzte Mintegi honetan aurkeztu diren ikerketetako batzuk eta abian diren beste hainbat ere bai. Jone Miren Hernandezek, Mikel Laboa Katedraren izenean, eta Beñat Gaztelumendik, Mintzola Ahozko Lantegiaren izenean, ikerketaren garrantzia azpirratu dute eta Mintzola Mintegian aurkeztu direnen ekarpena nabarmendu.


Albiste gehiago

Bizkaiko Bertsolari Txapelketa 2018-12-11

Final parekidea eta parekatua Bizkaian

Mintzola Ahozko Lantegiak eta Etxepare Euskal Institutuak 2018-12-05

What is Bertsolaritza? Bertsolaritza nazioartean aurkezteko ikus-entzunezkoa