2018ko Bizkaiko Bertsolari Txapelketa 2018-12-15
Bete-bete egin da gaur arratsaldean Bilbao Arena Bizkaiko Bertsolari Txapelketaren finalean: 4.350 lagun elkartu dira zortzi bertsolariren lana entzutera.
Zortzi bertsolariek hainbat ariketa egin dituzte. Lehenengo atala amaitu denean, Etxahun Lekuek eta Onintza Enbeitak lortu dute puntu gehien batzea eta eurek kantatu dute buruz-burukoan. Azkenean, Enbeitak jantzi du txapela Jon Enbeitaren eskutik. Horrela geratu da sailkapena:
Gai emaile beharretan Idoia Anzorandia Kareaga eta Maite Berriozabal Berrizbeitia aritu dira. Epaimahaia, ostera, hurrengoek osatu dute: Ander Txakartegi Basterretxea, Joseba Santxo Uriarte, Jurgi Fuentes Goikoetxea, Leire Etxebarria Gaztelu, Mirari Azula Aurrekoetxea eta Miriam Juaristi Urizar. Idazkari beharretan Itziar Basterretxea Olarreaga aritu da.
Jon Enbeitak ipini dau txapela, eta beste sariak, bertso munduagaz lotura zuzena duten lau lagunen eskutik jaso dituzte finalistek. Hurrengoak izan dira: Miren Loizaga Algortako Bertsolari Eskolako eragilea nekaezina; Joserra Bilbao Bilboko plazetako eragile, Santutxuko bertso eskolako kide eta BBK Sariketaren sustatzailea; Leire Bilbao idazlea, bertso munduan hasi eta orain literaturaren munduan dabilena; eta Pilare Baraiazarra bertsozaleetan bertsozaleena, plazarik plaza ibiltzen dena beti. Txapeldunari makila Asier Ibaibarriaga Bizkaiko Elkarteko lehendakariak eman dio Onintza Enbeitari.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15