Amaia Agirre - Elkarrizketa 2019-02-07
Amaia Agirre (Amasa-Villabona, 1977) bertsolaritzan hainbat eremu landutakoa da: plazaz plazako bertsogintzaz gain, 18 urte eman ditu transmisio lanetan bertso eskoletan eta hezkuntza arautuan. Hitzetik Hortzerako lan taldean ere urteak egin zituen eta azken 10 urteotan gai-jartzaile lanetan ere badabil buru belarri.
Ertz askotako sentipenak eta gogoetak utzi ditu Agirrek. Bertsogintzan plaza dinamika lasaiagora moldatu eta inflexio puntu batean ikusten du bere burua. Berritzen, eta aldi berean iraganeko motxila eta roletatik askatu nahian, sareko plazan aitortu duenez.
Gehiago ez landu izanaren pena puntua
Sentitzen du Agirrek bere bizitza bertsolaritzaren bueltan antolatu izanak, behar bada, zenbait momentutan saturazio puntu bat ekarri ziola eta uste du horrek sorkuntza ikuspegitik ez diola gehiegi lagundu izan. Badu bide hori gehiago ez landu izanaren pena.
Estilo aldetik, bertsoaren alde estetikoa beste estimatzen du bertso hori kantatzerakoan bertsolariaren intentzionalitatea. Pertsonalki, otordu bueltakoak ditu gustukoen eta dio gaur egun konplizitatea behar duela bertsotan gustura aritzeko.
Harreman eta familia eredu aniztasunaren gaia ere presente dago Amaia Agirreren oholtzako bertsogintzan. Gai horri buruzko bere testigantza utzi du sareko plazan.
Horiek eta beste hainbat testigantza interesgarri utzi ditu gure gaurko protagonistak.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15