Gipuzkoako Bertsolari Txapelketa 2019-04-09

Maiatzaren 4an hasiko da Gipuzkoa Bertsotan

Udazkenean hasiko da 2019ko Gipuzkoako Bertsolari Txapelketa, eta gutxi barru abiatuko da sailkapen fasea, Gipuzkoa Bertsotan.

Maiatzaren 4tik 25era bitartean 14 saio egingo dira Gipuzkoan barrena, aldiko bi saio ordu berean, leku desberdinetan. Guztira 84 bertsolari, 15 gai jartzaile, 18 epaile eta hainbat antolatzaile arituko dira hilabetez buru-belarri. Bertsolariak bi multzotan banatuko dira eta bakoitzean 7 saio jokatuko dira. Multzo bakoitzeko puntuazio altuena duten 17 bertsolariek lortuko dute udazkenerako txartela; 34 horiei aurreko txapelketatik sailkatuta dauden 14 bertsolariak batuko zaizkie orduan.

Saroi Jauregi Gipuzkoako Bertsozale Elkarteko Lehendakariak adierazi duenez, jende berri askok eman du izena fase honetan, baina badira txapelketetatik apur bat urrunduta ibili ostean, berriro itzuli direnak ere. Gipuzkoako bertso mugimendua hauspotzea eta bistaratzea izango da txapelketaren helburu nagusietako bat.

Hauek dira saioen egunak eta lekuak:

Maiatzak 4

• Asteasu. Udaletxean, 17:00etan
• Idiazabal. Guraso Elkartean, 17:00etan

Maiatzak 5

• Anoeta. Mikelasagasti Auditorioan, 17:00etan
• Orio. Kultur Etxean, 17:00etan

Maiatzak 11

• Mutriku. Zabiel Kultur Etxean, 17:00etan
• Berastegi. Udaletxean, 17:00etan

Maiatzak 12

• Altzo. Batzarremuño Kulturgunean, 17:00etan
• Lezo. Gezala Auditoriumean, 17:00etan

Maiatzak 18

• Zizurkil. Atxulondo Kultur Etxean, 17:00etan
• Aretxabaleta. Zaraia Aretoan, 17:00etan

Maiatzak 19

• Errezil. San Martin Herri Eskolan, 17:00etan
• Legorreta. Herri antzokian, 17:00etan

Maiatzak 25

• Bergara. Seminarixuan, 17:00etan
• Donostia. Larratxo Kultur Etxea, 17:00etan

 Informazio gehiago Gipuzkoa Bertsotan-en atarian.