agenda 2019-05-09

Jarraitu bertsoaren arrastoa asteburuan

Jarraitu bertsoaren arrastoa asteburuan
Literaturia, Herri Urrats, Gipuzkoa Bertsotan, emanaldi bereziak, otorduak... eta askoz gehiago.

Ostirala

Getxon, ALBEk antolatuta, bertso afaria egingo dute Saigon Fusion jatetxe vietnamdarrean. Nerea Elustondo eta Unai Iturriaga arituko dira kantuan. 

Zarautzen, Literaturiaren egitarauaren baitan, "Bertso-maskarada" egingo dute 20:00etan Modelo aretoan. Kantuan Uxue Alberdi eta Maialen Lujanbio arituko dira, Andoni Egañaren gidaritzapean. Unai Gaztelumendi eta Xabier Lizaso arduratuko dira ilustrazioaz eta musikaz. 

Saio gehiago izango dira Astigarragan, Agurainen eta Donostian. 

Larunbata

Bilbon, Santutxun, Udaberriko Bertso Saioen egitarauko saioa, 13:00etan hasita: Arkaitz Estiballes, Xabat Galletebeitia, Nerea Ibarzabal eta Maialen Lujanbio. 

Antsoainen, Euskararen Egunaren harira, bertso poteoa egingo dute eguerdian, 13:00etan hasita. Joanes Illarregi eta Alaia Martin izango dira bertan. 

Iruritan bertso afaria antolatu dute 21:00etatik aurrera, Jon Maia eta Julio Sotorekin. 

Horrez gain, Arabako Eskolartekoa jokatuko da Legution, eta Gipuzkoa Bertsotaneko saioak egingo dira Mutrikun eta Berastegin. Saio gehiago Oiartzunen, Hondarribian, Donostian, Beran, Zarautzen, Bilbon eta Eibarren. 

Igandea

Senperen, Herri Urratseko Lapurdi gunean, jaialdia antolatu dute 11:00etan: Miren Artetxe, Amets Arzallus, Gillen Hiribarren eta Alazne Untxalo izango dira bertan. 

Portugaleten balkoitik balkoirako bertso saioa egingo dute, eta ondoren herri bazkaria. Bertsolariak Kerman Diaz, Asier Galarza, Koldo Gezuraga, Paule Loizaga eta Unai Mendiburu izango dira. Asier Alcedok egingo ditu gai-jartzaile lanak. 

Gipuzkoa Bertsotaneko beste bi saio egingo dira, oraingoan Altzon eta Lezon. Bertso gehiago Usurbilen eta Durangon.

Informazio gehiago BDB Bertsolaritzaren Datu Basean. 

Albiste gehiago

XXVII. BBK sariketa 2019-04-04

Durangaldea nagusi BBk sariketan