ikerketa soziologikoa 2019-05-21

'Jakin' aldizkariaren azken alea, bertsolaritzari eskainia

"Bertsoari neurria hartzen" izenburupean argitaratu da Jakin aldizkariaren 231. zenbakia. Bertsolaritzari eskainitako monografikoa da, Bertsozale Elkarteak eta EHUko Harkaitz Zubiri eta Xabier Aierdi soziologoek burututako bertsolaritzaren ikerketa soziologikoa abiapuntutzat daukana. Ikerketa honen emaitzek utzitako argazki orokorrean sakondu dute ale honetan.

Harkaitz Zubirik, ikerketak emandako datu esanguratsuenak laburbiltzeaz gain, bertsolaritza gizarte mugimendutzat hartzeko arrazoi nagusiak azaldu ditu. Jone Miren Hernández antropologoak generoaren atalari erreparatu dio, eta azkenik, Miren Rubio kazetariak mahai inguruan elkartu ditu Miren Amuriza, Maialen Lujanbio eta Andoni Egaña. Hiru belaunaldi ezberdinetako bertsolarien esperientzia pertsonalak eta hausnarketak bildu ditu bertan.

Laburpen bideoa ikusgai hemen.