Transmisioa Bertsolaritzan 2019-06-06

Ikastetxeetako jaialdiak urtea borobiltzeko

7 lurralde, 205 herri, 469 ikastetxe eta 26.366 ikasle

2018-2019 ikasturtean euskararen 7 lurraldeetako 205 herritan, 469 ikastetxerekin elkarlanean aritu da Bertsozale Elkartea eta 26.236 ikaslek landu dute bertsolaritza Bertsozale Elkarteko 53 irakasleren eskutik.

Bertsozale Elkarteak ikastetxeetako proiektuari ekin zionetik 33 urte igaro dira. 1985. urtean Nafarroan lehen urratsak eman zituen proiektuak eta gaur egun euskararen eremu osora zabaldu da. Bertsoaren bidez  hizkuntza, kultura,trebetasun pertsonalak eta sozialak eta musika lantzen dira ikastetxeetan.

Bertso ikasgela webgune berria

Bertsozale Elkarteak, ikastetxeetan bertsolaritza lantzen laguntzeko helburuarekin sortu du bertso ikasgela webgunea. Ikus-entzunezko materiala, albisteak etab aurki daitezke bertan.

Antzerkia, musika eta bertsoak Labiaga ikastolan

Ikasturtea agurtzeko formatu ezberdinetako emanaldiak antolatzen dira, aurten 196. Bertsoako lan taldea Berako Labiaga ikastolan izan da. Bertan lehen eta bigarren hezkuntzako ikasleek prestatutako eta bat-bateko saioak egin dituzte: Lehen hezkuntzako 5. mailakoek bertso antzekia, "Charlie eta txokolatezko lantegia" ; DBHko bertso eskolakoek "bertso musikatua"; Labiagako eguerdietako bertso eskolakoek "Timuti jirafaren istorioa" bertso antzerkia. Jaialdiari amaiera emateko bat-batean jardun zuten.