manuel lekuona saria 2019-09-16
Manuel Lekuona Saria 1983tik banatzen du Eusko Ikaskuntzak euskal kulturgile esanguratsuen artean. Aurtengo hautagaien artean Xabier Amuriza proposatu dute, bere bertsoak kantatzeko eta egiteko erak "bertsolaritzaren aro berriari" hasiera eman ziola argudiatuta. Horrez gain, bertsolaritzaren mugimenduaren alde egindako lana ere aitortu nahi diote: batetik, bertso eskolak bultzatzen egindako ahalegina, eta bestetik, bertsolarien lana elikatzeko sortutako ekoizpen guztiak.
Amurizarekin batera proposatu dituzte Txaro Arteaga kazetaria, Félix Ibarrondo konpositorea eta Jon Kortazar literatura kritikaria eta Literaturan katedraduna.
Bozkatzeko aukera
Irabazlea bi modutara emandako botoaren bitartez erabakitzen da: batetik, Euskal Komunitate Globalaren bozka birtuala; eta bestetik, epaimahai instituzional baten bidez (Eusko Ikaskuntzako Lehendakari eta erreferentziazko zazpi entitateen ordezkarik osatuta).
Irailaren 18ra arte egongo da zabalik bozka emateko aukera. Irabazlearen izena udazken honetan jakinaraziko dute.
Manuel Lekuona Saria jaso duten pertsonen zerrenda luzea da, besteak beste, Jorge Oteizak, Eugene Goyhenechek, Micaela Portillak, Menchu Galek, Joan Mari Torrealdaik, Mari-Jose Azurmendik edota Manuel Lekuona berak.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15