Mintzola Ahozko Lantegia 2019-10-18

Mintzola ahozko lantegiak gradu amaierako lanentzako saria deitu du

Ahozko kultur sorkuntzari buruz egin diren gradu amaierako lanak sarituko ditu Mintzola Ahozko Lantegiak.  UPV/EHUko Mikel Laboa Katedrarekin elkarlanean, 500 euroko dirusaria esleituko da. Lehiaketan sartzeko 2016tik 2019ra bitarteko ikasturteetan defendatutako lanak izan beharko dira.

Deialdiaren lehen edizioa

Mintzola Ahozko Lantegiak deialdi hau martxan jartzen duen lehen aldia da, nahiz eta lehendik ikerketa kontratuak eta proiektu sariak esleitu dituzten. Edozein jakintza alorretatik abiatuta, antzerkigintza, bertsolaritza, kantagintza edota kontalaritza ikergai gisa duten lanak aurkeztu ahalko dira; azaroaren 8ra arte izango da aurkezteko aukera. Saria, aldiz, abenduaren 4an banatuko da Amasa-Villabonako Subijana etxean, Mintzolaren egoitzan.

Sariari buruzko informazio gehiago, hemen.