BERTSO ERAKUSKETA 2020-01-07
"Argazkia kartzela" erakusketa Andoainen
Argazkilaritza eta bertsolaritza, bi euskarri desberdinen arteko elkarrizketa da
"Argazkia kartzela". Bertan hausnarketara gonbidatzen duten 15 irudi eta bakoitzaren
3 irakurketa posible topatuko dituzu. Urtarrilaren 24ra arte egongo da ikusgai Andoaingo Basteroko erakusketa aretoan.
Azken hilabeteetan Andoaingo bertsolariekin kolaboratuz egindako argazki/bertso proiektua aurkeztu berri du Aitor Arruti argazkilariak Andoaigo Basteroko erakusketa aretoan.
Aitorrek, zenbait bertsolarirekin elkarlanean, irudien interpretazio irekien inguruan hausnartu du Argazkia kartzela proiektuan.
Proiektuko liburuxkaren sarreran honela azaldu du argazkilariak egitasmoa:
Guztiok gatoz mundura bi begirekin, ikusmenaren mirarira garamatzaten bi leiho. Halere,
norberaren bizipenek ematen diete forma leiho hauei, norbanako bakoitzak ikusteko modu
zehatz bat garatuz. Guztiok desberdin ikusten baitugu.
Ez al da argazkilaritza horren adibide? Gaur egun argazki bat ateratzeko aukera edozeinek
duen arren, irudia zeri, nola eta zergatik ateratzeko erabakiak pertsonala izaten jarraitzen du.
Alderantziz ere berdin, alegia, argazki berbera abiapuntu izanik ikusleak adina interpretazio
egotea.
Bertsolaritzan ere bada antzeko fenomeno bat. Kartzelako frogan, nahiz eta bertsolari guztiei
gai berdina jarri, gainontzekoen interpretazioetatik isolatuta osatzen dituzte bertsoak,
momentu batez bada ere bakoitzaren barne-mundua ikustea ahalbidetuz.
Argazkilaritza eta bertsolaritza, bi euskarri desberdinen arteko elkarrizketa da
“Argazkia kartzela”. Bertan hausnarketara gonbidatzen duten 15 irudi eta bakoitzaren
3 irakurketa posible topatuko dituzu.
Eta zuk, zer ikusten duzu?
Urtarrilaren 24ra arte egongo da ikusgai Andoaingo Basteroko erakusketa aretoan.
Albiste gehiago
Larunbatean 21:00etan ETB1en 2025-03-20
Donostiako Intxaurrondo eta Mendaroko bertsoak Hitzetik Hortzeran, Marisa Barrena wikilari bertsozalearekin
Martxoak 8 - Emakumearen Nazioarteko Eguna 2025-03-05
