2020ko Bertso Eguna 2020-01-16

2020ko bertso eguna larunbatean, Aramaion

2020ko bertso eguna larunbatean, Aramaion
Aramaion urtarrilaren 18an ospatuko da Bertso Eguna. Goizean bertso poteo bisita gidatua eta eguerdian bertso bazkariak. Sarrerak www.bertsosarrerak.eus atarian.

Bost bertso bazkari

Bosgarren bertso bazkaria Aramaioko eskolako jangelan izango da, 65 lagunentzako tokiarekin eta, Jone Uria eta Beñat Gaztelumendi arituko dira kantuan. Sarrerak  eskuragarri 20 euroren truke.

Beste bertso bazkariak hauek dira: Nerea Elustondo eta Unai Iturriaga izango dira Ehiztari txokoan; Eneko Lazkoz eta Miren Artetxe Izarra elkartean; Onintza Enbeita eta Sebastian Lizaso izango dira Uribarriko elkartean; eta Ane Labaka eta Iñaki Viñaspre Zabolako elkartean.

Bazkaltzera joateko autobusak herrigunetik

Uribarriko eta Zabolako elkarteetara joateko autobusa egokituko du elkarteak herrigunetik, goizeko saioa amaitzen den lekutik -lehenerako 14:30ean, eta bigarrenerako 14:45ean-. Izan ere, bertso bazkarien aurretik, 12:30ean, bertso ibilbide gidatua egingo dugu Aramaioko kaleetan zehar. Gidari lanetan izango ditugu Andoni Egaña, Ane Zuazubiskar, Irati Majuelo, Jokin Uranga, Martin Abarrategi, Oihana Bartra, Oihana Iguaran, Sustrai Colina eta Xabi Igoa.

Aramaion lo egiteko aukera

Bazkariaren ostean Urola erdiko trikitilariak ekin musikaz gozatzeko aukera, 19:00etan.  Lo egiten geratu nahi duenari tokia ere eskainiko zaio, eskaera egonez gero. Horretarako eman izena hemen, urtarrilaren 10a baino lehen.

Aramaioko Udalarekin eta Aramaioko bertso-eskolarekin antolatu dugu elkarlanean 2020ko Bertso Eguna, eta beste zenbait elkarteren laguntza ere izan dugu: Amillena Aramaioko turismo elkartea eta Iparra-Hegoa kasu, bazkariak hartuko dituzten elkarteez gainera.

Informazioa, hemen.

Arabako Bertsozale Elkartearen batzarra

Hitzordua baliatuko dugu Arabako Bertsozale Elkartearen batzarra egiteko: 10:00etan izango da, Aramaioko udaletxean. Gainera, lehenago, Arabako Kuadrilla Artekoa ere aurkeztuko dugu, 9:00etan, toki berean.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"