XILABA 2020 2020-10-13

Kerman Diaz nagusi Larzabaleko saioan

Kerman Diaz nagusi Larzabaleko saioan
Xilaba Bertsulari Xapelketako laugarren eta azken kanporaketa jokatu zen larunbatean Larzabalen, eta hortaz, osatuak gelditu dira Final Herenetako saioak. Xan Alkhat eta Mizel Mateok egin zuten bigarren eta hirugarren, hurrenez hurren. Datorren larunbatean jokatuko da bigarren faseko lehen saioa Senperen.

180 bertsuzalek giro ederrean bete zuten Larzabaleko Herriko gela. Paul Moal aritu zen aurkezpen lanetan. 

Kanporaketa Kerman Diazek irabazi zuen eta zuzenean sailkatu zen hurrengo fasera. Horrela geratu zen saioko azken sailkapena:

  1. Kerman Diaz............................306
  2. Xan Alkhat...............................304,5
  3. Mizel Mateo.............................299,5
  4. Johaiñe Sarraillet.....................293
  5. Oneka Arteaga Olasagasti......290,5
  6. Josu Txoperena Iribarren........285

Bertsoaldien hautaketa laster sareko plazan.

 

Final Herenak ate joka

Aurreneko saioa datorren larunbatean bertan (urriaren 17) izango da Senpereko "Larreko" gelan. Kantuan izanen dira Miren Artetxe SarasolaAitor Servier EtxexuriKerman Diaz, Patxi Iriart HiribarrenIrati Alcantarilla Urdanpilleta, eta Gillen Hiribarren.  Saioa 17:00etan hasiko da eta ohi bezala, sarrerak lekuan bertan egonen dira eskuragarri.

Horrela osatuta gelditu dira Final Herenetako beste bi saioak:

Urriak 24, Sohütako Herriko gelan, 17:00etan.-  Maddalen Arzallus Antia, Maddi Sarasua Laskarai, Egoitz Zelaia, Maindi Murua Berra, Iker Altuna eta Elixabet Etxandi Goienetxe

Urriak 31, Izturitzeko Herriko gelan, 17:00etan.- Odei Barroso Gomila, Maddi Ane Txoperena Iribarren, Xumai Murua Berra, Ramuntxo Christy, Xan Alkhat eta Ortzi Idoate

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"