Eskolarteko txapelketak 2020-11-05

Aurtengo Euskal Herriko Eskolartekoa bertan behera

Aurtengo Euskal Herriko Eskolartekoa bertan behera
Argazkia: 2019ko Euskal Herriko Eskolarteko finala, Saran
Bizitzen ari garen egoera kontuan hartuta, azaroaren 14ean Abadiñon egitekoa zen finala ez egitea erabaki dute Bertsozale Elkarteak eta Ikastolen Elkarteak.

Urtean zehar lurraldetako eskolartekoak burutzeko aukera izan den arren, egoeraren bilakaerari adi jarraitu dutela adierazi du Bertsozale Elkarteak. Azkenean, azken egunetako joera ikusita, hurrengo asteburuan jokatzekoa zen finala ez gauzatzea erabaki dute antolatzaileek, eta hortaz, aurten ez da azken saiorik izango.

Martxotik urrira lurraldetako txapelketak

Gipuzkoako Eskolartekoa martxoan hasi bazen ere, bi saioren falta iritsi zitzaion etenaldia. Urriaren hasieran berrartu zen eta finala urriaren 16an jokatu zen Azkoitian: Aner Peritzek irabazi zuen, eta Naia Arrizabalagak ere lortu zuen Euskal Herriko finala izango zenerako sailkapena.

Uztailean egin zen. aldiz, Bertsularien Lagunak elkartzen dituen hiru lurraldeetako (Lapurdi, Baxenabarre eta Zuberoa) txapelketa: Haira Aizpuruak jantzi zuen txapela eta berarekin batera Irantzu Idoate zen txapeldunorde. 

Gainontzeko probintzietako eskolarteko txapelketak urrian egin ziren. Hilaren 10ean jokatu zen Arabakoa, Murgian, eta Aitor Ugarte gailendu zen bertan. Eukene De Los Aires sailkatu zen bigarren. Bizkaiko Eskolarteko finala urriaren 17an egin zen Arrigorriagan, aurretik hiru kanporaketa saio eginda: Irune Basagoitik eta Leire Vargasek eskuratu zuten finalerako txartela. Pasa den asteburuan jokatu zen Nafarroakoa Etxarri-Aranatzen, Ekhiñe Zapian eta Bittori Elizalde izan ziren txapeldun eta txapeldunorde.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"