Bertsoaroa 2020 2020-11-17

'Orainmenean' gaur eta Iruñean

'Orainmenean' gaur eta Iruñean
Kondestable jauregiko Areto Nagusian izango da, hain zuzen ere, aurtengo Bertsoaroko 4.ekitaldia. 'Orainmenean: Bertsolaritzaren genealogia feministak' emanaldia, arratsaldeko 19.00tatik aurrera.

Kantuan izango diren bertsolariak Irati Majuelo, Nerea Ibarzabal eta Oihana Iguaran izango dira eta gai-jartzaile lanetan berriz, Maite Berriozabal arituko da. Aforoa mugatua egongo da, noski, eta toki guztiak bete arte egongo da bertara sartzeko aukera. Ateak saioa hasi baino ordu erdi lehenago irekiko dira, 18.30tan.

Orainmenean: Bertsolaritzaren genealogia feministak Txakur Gorriak Sormen Kolektiboak eta Lanku Kultur Zerbitzuak elkarlanean sortutako ikuskizuna da. Ikusezina ikusgarri egiteko ahalegina, bertsolaritzaren hastapenetatik gaur arteko historia hori zalantzan jarri eta bertsolaritzaren genealogia feminista posible bat berridaztekoa. Emanaldiaz gain, argitalpena ere du euskarri Txakur Gorria kolektiboaren edo Lanku Kultur Zerbitzuen online dendan eskuragarri dagoena. 

 

Aste honen amaieran bada beste ekitaldi bat ere. Larunbatean, azaroaren 21ean, "Bertso jasa, bat-bateko jolasa" haurrentzako bertso tailerra esakiniko dute Saats Karasatorre eta Saioa Alkaizak. 11.30tan izango da, Mendillorriko Civivoxean. 8-12 urte artekoentzat da saioa eta izen ematea beharrezkoa da nafarroa@bertsozale.eus helbidean edo 948143747 zenbakira deituta. Tokiak mugatuak dira eta azaroaren 18a baino lehen abisatu beharko litzateke. Ez galdu aukera!

 

Nafarroako Bertsozale elkarteak eta Iruñeko Udalak antolatzen duten Bertso Aroa zikloaren baitan hainbat saio eta ekitaldi antolatu dira azaroaren 26a bitarte, beti ere behar diren neurri guztiak betez, aforo mugatuekin eta erantzukizunez jokatzeko deia eginez. Bertsoa.eus atarian jarraipen berezia egingo da datozen asteetan zehar. 

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"