Asteburuko planak 2020-12-04
Asteburu 'luzea' eta bertso eskaintza zabala
XIberuan, Lapurdin eta Baxenafarroan jai izango ez den arren, gainontzeko lau lurraldeetako askok asteburu luzeagoaz gozatzeko aukera izango dute asteleheneko zubia dela eta. Eta bertsoaz gozatzeko aukera paregabe bat baino gehiago egongo da.
Ostirala 2020-12-04
19:30tan Aldai plazan kantuan izango dira Uxue Alberdi, Andoni Egaña, Maialen Lujanbio eta Jon Maia, eta gai jartzen berriz Juanjo Respaldiza arituko da.
"Gorria" flamenkoa eta bertsoa emankizuna ikusteko parada izanen da Sozial Antzokian. 19.00tatik aurrera, oholtzaren gainean Miren Amuriza eta Askoa Etxebarrieta.
18.00tan, "Urpekakariak" haurrentzako bertso antzerkia Orozkoko Donibane Aretoan, Eneko Arrate Sololuze eta Aissa Intxaustiren eskutik.
Euskaraldiaren amaiera ekitaldia. Ariguneei omenaldia eta bertso-saioa. 19.00tan Herri antzokian. Bertsolariak: Maialen Akizu, Eneko Araiztegi "Korta", Amets Arzallus eta Ane Zuazubiskar Iñarra. Gai-jartzailea: Mikel Urteaga Azkue
Euskaraldiaren amaieran, bertsosaio musikatua 19.30tatik aurrera Ibarrako Kiroldegian. Oihana Iguaran, Ane Labaka Mayoz, Haritz Mujika eta Julio Soto arituko dira Ixak Arruti eta Gari Otamendiren musikak gidatuta.
Xabier Leteri eskeinitako "Loreak eta Zauriak" emanaldia. Modelo Aretoan 19.00tan Beñat Gaztelumendi, Quico Pugès, Xabier San Sebastian eta Joserra Senperena protagonistak direla.
"Auskalo zeinek jarriak" emanaldia 19:00etan, Baratzondon. Eñaut Agirre eta Unai Agirre Goiarekin batera Joxan Goikoetxea eta Imanol Kamio dira protagonistak.
Larunbata 2020-12-05
Euskaraldiaren baitako bertso-saioa 13.30tatik aurrera Gizarte Etxeko bilera aretoan. Bertsotan Manex Agirre eta Onintza Enbeita arituko dira Maialen Kortabarriaren gaietara.
Beñat Beloki, Ion Beloki eta Unai Ormaetxeak jarritako bertsoak entzungai Euskaraldiaren baitan antolatutako emanaldian. 12tan Goiburuko Ermitan.
19:00tan herriko elizan izango dira Aratz Igartzabal Bidegain "Potto", Endika Igartzabal Murua, Gorka Maiz eta Iñaki Murua. Gai-jartzailetzan Eresti Oiarbide arituko da.
Xabier Amurizaren eta Agus Barandiaranen "Koplariak koplari" hitzaldi musikatua 19:00tan Elbarrenako elizan (Zizurkil Behea).
Akerbeltz Gaztetxearen 12. urteurrena dela eta, saioa antolatu dute arratsaldeko 17etan. Josune Aramendi, Nahia Ibarzabal, Nerea Ibarzabal eta Aissa Intxaustik kantatuko dute eta gaiak, berriz, Graxi Arregik jarriko ditu.
Euskaraldiaren azken txanpan, "Esku Harriak, Oteizaren (h)aria" dantza eta bertso ikuskizuna 18:00tatik aitzina Mikelasagasti auditorioan.
Igandea 2020-12-06
17.00tan herriko frontoian Unai Agirre Goia, Uxue Alberdi, Miren Amuriza, Andoni Egaña eta Maialen Lujanbio arituko dira Xabat Galletebeitia gai-jartzailearekin batera.
Eguerdiko 12:30tan, Karela kiroldegian Andoni Egaña, Maialen Lujanbio, Aner Peritz "Euzkitze", Aitor Sarriegi eta Jone Uria Albizuri izango dira kantuan eta gai jartzaile lanetan Unai Manterola izango da.
Astelehen eta asteartea
Durangoko Azokaren baitan, "Bertso musikatuak" diskoaren aurkezpena egingo dute Eli Pagola eta Manex Pagolak. 18.00tan Plateruena antzokian.
Kontzesioetako bertso-jaialdia 17:30tan. Bertsolari gisa ibiliko dira Miren Amuriza, Amets Arzallus, Andoni Egaña, Nerea Ibarzabal, Unai Iturriaga eta Maialen Lujanbio. Gai-jartzaile arituko da Maite Berriozabal.
Informazio gehiago eta hurrengo asteetako bertso saioen berri bertsozale elkartearen agendan izango duzue.
Lurraldez lurralde segurtasun neurriak eta egoera ezberdina dela jakinik, ez ahaztu denon eskutan dagoela bertso plaza ere eremu seguru eta zaindua izatea. Beraz, saioetan behar diren neurri guztiak bete, antolatzaileen oharrei kasu egin eta adi ibiltzeko mezua luzatu nahi dugu.
Albiste gehiago
EHBT26 2026-10-10
Xabat Illarregi, Gotaineko gorabeherei bertsoz bertso eutsiz
Igotz Alkorta Irastortza
Bertsoak ez du adinik 2026-10-07
Adin-adin, bertsoa zabaltzen Nafarroako adinekoen egoitzetan
Igotz Alkorta Irastortza
