Hitzetik Hortzera 2021-01-08

Oier Lakuntza bertsolariarekin solasean, Hitzetik Hortzeran

Oier Lakuntza bertsolari eta kimikari nafarra izango da aste honetako programan. Wolfram sindromea diagnostikatu zioten Oierri oso gaztetan, eta horrek ikusmenean, entzumenean eta beste hainbat gaitasunetan eragiten dio. Oholtza gaineko esperientzia nola bizi duen ezagutuko dugu. Hitzetik Hortzera: larunbatean eta igandean, ETB1en.

Oier Lakuntzarentzat gizarteari ikuspegi ezberdinetatik begiratzeko tresna da bertsolaritza eta horrexegatik gazte gaztetatik egin izan dio leku bat bere bizitzan. 2012an kimikan doktoratu zen eta azken urteotan, gasteiztarrekin aritzen da bertsotan, bertako Arabako Parke Teknologikoan baitu lantokia.

Lan eta konstantzia handia dago bere bizitzan, Wolfrang sindromeak zeharkatzen duen ibilbidean. Besteak beste, aniztasun funtzionala duen jendearentzat bertsolaritza nolako esparrua den ezagutuko dugu Oierrekin; bertsolaritzarekiko harreman horretan aurkitzen diren muga eta erraztasunak. Eta noski, bertsolari iruñearraren bertsoaldi batzuk ere gogora ekarriko ditu Hitzetik Hortzera telebista saioak.

Laudiotik Markina-Xemeinera

Agurtu berri dugun urteko abendu hasierako saio pare bat ere gogoratuko dira aste honetan. Euskaraldiaren egitarauaren baitan Ludion egindakoa eta Markina-Xemeingo Kontzesioetako jaialdia.

Bestalde, Maite Roman Mungiko bertsozalearekin batzeko aukera izango du Hitzetik Hortzerak. 2019ko ekainean Lekeitioko saioko bertsoaldi bat ekarriko du bertsoaldi kutunaren atalera, kantuan Jon Maia, Julio Soto, Nerea Ibarzabal eta Maialen Lujanbio.

Hitzetik Hortzera: larunbatean 21:00etan eta igandean 15:00etan, ETB1en; eta edonoiz, EITB Nahieran atarian.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin