Hitzetik Hortzera 2021-02-11

Etxepare Rap proiektuaz, Hitzetik Hortzera

Aste honetako programan, Imanol Epelde zarauztarrarekin elkartuko gara. Bera da Etxepare Rap proiektuaren sortzailea eta, besteak beste, proiektuaren hastapenez, helburuez eta abestien sormen prozesuaz ariko gara solasean berarekin. Hitzetik Hortzera, aste honetan larunbatean soilik ETB1en, eta ondoren, edonoiz, EITB Nahieran atarian.

Ofizioz euskara irakaslea da Imanol Epelde, baina ez nolanahiko irakaslea. Ikasleekin euskal literaturako testuak irakurtzen ari zela etorri zitzaion musika gehituz letra horiek beste modu batean lantzearen ideia. Horrela sortu zen Etxepare Rap. Autore garrantzitsuen testuak hartu eta kantu bihurtzen ditu zarauztarrak, tartean, hainbat bertsolariren testu eta bertsoak ere bai. 

Zarautzen elkartu gara Imanolekin, berak kontzertuetarako entseguak egiteko erabili ohi duen lokalean. Hamaika abesti batzen ditu dagoeneko Etxepare Rap proiektuak, eta datozen garaietarako ere ideiak baditu irakasle zarauztarrak. Beharrezko materiala hartu eta nola sortzen duen azalduko digu aste honetako Hitzetik Hortzeran. 

Tolosa eta Hernani

Etxepare Rapen abesti eta bideoklipen zatitxoak entzuteaz gain, Tolosan Atariak urtero antolatzen duen saioan eta Hernanin izango gara: Bertsolataren egitarauaren baitan antolatu zuten bertso traman, hain zuzen ere. Aste honetako Kuttuna Garazi Astrain Altzoko bertso-eskolako kideak ekarriko digu, eta Miren Artetxek Elgoibarren osatu zuen pasapalabra feminista gogoratuko dugu berarekin. 

Hitzetik Hortzera: aste honetan larunbatean soilik ETB1en, 21:00etatik aurrera, eta ondoren, edonoiz, EITB Nahieran atarian.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"