150 sarrera 2021-02-12

Gayarrerako sarrera gehiago

Gayarrerako sarrera gehiago
Bertsozale Elkarteak jakinarazi berri duenez, Nafarroako Gobernuak toki kopurua handitzeko baimena eman dio biharko emanaldiari. Bertso Eguna Gayarre Antzokian bertan jarraitu nahi duenak, beraz, badu aukera: www.teatrogayarre.com webgunean eta leihatilan eros daitezke sarrerak.

Bertso Eguna bertatik bertara jarraitzeko gogoz bazaude, zorionekoa zu: 150 sarrera gehiago jarri dira Gayarre Antzokian salgai bihar izango den Bertso Egunerako. Bertsozale Elkarteak jakitera eman duenez, Nafarroako Gobernuak toki kopurua handitzeko baimena eman berri dio emanaldiari, eta, beraz, Bertso Eguna antzokian bertan jarraitu nahi duenak sarrerak eskuratzeko aukera du berriro: Gayarreko leihatilan eta www.teatrogayarre.com webgunean izango dira - zehazki, hemen -. 

Bestalde, gogoratu online ikusteko sarrerak ere badaudela: www.bertsosarrerak.eus webgunean eskuratu ahal izango dira horiek.

"Errealitateei beste ikuspuntu batzuetatik"

18:00etan hasiko da Bertso Eguna Iruñeko Gayarre Antzokian. Julio SotoMiren AmurizaOnintza Enbeita eta Xabier Silveira bertsolariak eta Ainhoa Larretxea gai-jartzailea elkartuko dira oholtzan. Ez dira protagonista bakarrak izango, Eneko Lazkoz eta Oihane Perea bertsolariek ere hartuko baitute parte emanaldian.

"Errealitateei beste ikuspuntu edo perspektiba batzuetatik kantatuko diegu. Abiapuntuak egiten baitu gaia, kantatzeko hautatu dugun lekuak aldatzen baititu esanahiak, kolektiboan aritzeak aldatzen baitu bakarka marraztu dugun errealitatea" aurreratu du aurrelanean aritu den Saioa Alkaizak.

2021eko lehen Bertso Eguna izango da Iruñekoa, martxoan eta maiatzean ere izango baitira, Getarian eta Hazparnen; emanaldiotarako sarrerak ere jada eskuragai daude www.bertsosarrerak.eus atarian. 

Saioaren inguruko informazioa, hemen.

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin