Bertsolaritza irratietan 2021-11-08

Bertsoa uhinetan

(H)ari naizela Ataria irratian

Aurreko astean, San Bartolome arratsaldean, abuztuaren 24an, Amezketan izandako bertso saioa aletu zuten. Urteroko saioa izaten da eta urtero bezala Altuna Anaiak frontoian 100 entzule baino gehiago bildu ziren.
Bertsolariak: Bixente Gorostidi amezketarra, Anjel Mari Peñagarikano, Oihana Iguana, Alaia Martin eta Beñat Gaztelumendi izan ziren; gai-jartzailea, berriz, Imanol Artola "felix".
Sorpresarik ere izan zen, Anjel Mari Peñagarikanok 20 urtez jarraian kantatu baitzuen Amezketan, eta Amezketako herriak omenaldi xume bat ere egin baitzion, berak ezer jakin gabe.
Bertsoak eta sorpresak !

Hari naizela 2021-11-03

Potto programa Bilbo Hiria irratian

Pottok ez du etenik Bilbo Hiria irratiaren uhinetan, eta dena ez denez puntuazio eta txapelketa… azken saioan Gernikara joateko aukera izan zen eta bertako Lizeo antzokian bertso-jaialdi handia izan zen gozagarri: Astelehen bezperako bertso-saioa.
Urriaren 24an kantuan izan ziren Onintza Enbeita, Xabat Galletebeitia, Etxahun Lekue, Unai Iturriaga, Miren Amuriza eta Andoni Egaña; gai-jartzaile lanetan: Leire Garatxena.
Era berean, Maddalen Markaida kronikari bidali zuten Elorriora eta Atsasura, eta bertsolarien lana ekarri zien; prosan.
Biba bertsoa!

Potto 2021-11-04

Bertsoinka programa Xorroxin irratian

Aurreko asteko saioa ere Nafarroako bertsolari txapelketako final-laurdenetako saioei eskaini zitzaien.
Izabako, Tafallako, Zangozako eta Doneztebeko saioetatik aukeraturiko bertsoak entzungai izan ziren.

Bertsoinka 2021-11-04