EiTB 2022-01-06

Bertsolaritzaren historia, gaurko 'Itxi Liburuak' saioan

Noiz eta nola sortu zen bertsolaritza? Nola iraun du gaur egunera arte?

Lehenengo txapelketetara bidaiatuko dute, eta bertso bereziak entzuteko aukera ere izango dute. Bertso eskolen sorrera ikertuko dute, baita bertsolaritzaren bilakaera eta emakume bertsolarien historia ere.

Protagonista berezien eskutik bertsolaritzaren historian barrena ibiliko dira gaur iluntzean. Tartean izango dira, Joxerra Garzia, Xabier Paya, Juanito Dorronsoro, Jon Enbeita, Xebastian Lizaso, Andoni Egaña, Nerea Elustondo eta Maite Berriozabal.

Markel Irizarrek elkarrizketetan ikasitako guztia Cristobal Balenciaga Museora gerturatutako ikasleei azaldu beharko die.

Itxi Liburuak, ostegunero, 22:30ean, ETB1en.

eitb.eus