Haritz Mujika - elkarrizketa 2022-10-05

«Txapelketak momentu onean harrapatu nau»

2022/BTN22/elkarrizketak/202201005elkarriketa_haritzmujika.mp3.mp4
Haritz Mujikak Bertsoa.eus-i eskainitako elkarrizketan adierazi du gustura aritu zela bertsotan Gasteizen eta bere bertsokeraren lagin bat behintzat erakutsi zuela. Asteasuarra ilusio handiz dago Donibane Garaziko finalaurrekorako.

Haritz Mujikari denbora gutxian dezente aldatu zaio bere bertsogintza panorama. Ekainean jakin zuen Txapelketa Nagusian parte hartzeko aukera izango zuela eta lau hilabeteren buruan Euskal Herriko finalaurrekoan kantatzeko zentratuta dago, Txapelketa Nagusiko bere lehen parte hartzean kanporaketa irabazita.

Gasteizen bere burua argi eta bertsotarako ondo sentitu zuen eta oholtzan ere patxada handia transmititu zuen asteasuarrak. Gustura dago saioan egin zuenagatik eta baita egoten asmatu izanagatik ere. Bere bertsokeraren eta egindako lanaren lagin bat erakutsi ahal izan zuelakoan dago Mujika.

Donibane Garaziko saioak ilusio berezia
Urriaren 29an izango du hurrengo hitzordua asteasuarrak Donibane Garaziko finalaurrekoan. Oraingoz Amets Arzallus du bertsokide, eta puntuazioz lehen biak ere Garazin kantatuko dutenez, Mujikak ziurtzat jotzen du Oihana Iguaran ere oholtzakide izango duela. Aitortu duenez, Ametsekin egokitzeak poz handia eman dio astasuarrari. Eta ilusio berezia egin dio Oihanarekin oholtza partekatzeko aukerak ere, bertso eskola kidez gain, lagun mina izaki.

Finalaurrekora kozka egitera joango ote den galdetuta, intentzioa ere erakutsi du Mujikak: «Donibane Garazira ez naiz arratsalde pasa joango».

Albiste gehiago

Ganbaran bai - Sarai Robles 2022-12-08

Eta puntu.

Sarai Robles

Beñat Gaztelumendi Arandia - Elkarrizketa 2022-12-07

«Finalera hortzak zorroztuta eta amorru puntu batekin joango naiz»

Joanes Illarregi Marzol - Txapelketa Nagusian finalista berria 2022-12-06

«Nire izena entzun nuenean lasaitasuna sentitu nuen. Finalean orain arteko lana borobildu nahiko nuke»