igandero 15:00etan ETB1en 2022-11-04
Hitzetik Hortzera mugan
Idoia Torregarai eta Eider Perez Komunean atalean izango ditugu saioaren inguruan hitz egiteko. Gainera, iritzia emango duten bertsolariak ere izango ditugu txapelketak iraun bitartean.
Gari Garaialde, argazkilaria
Argazkilaritzaren barruan argazkiak funtzio ezberdin asko izan ditzazkela dio Garik, hala ere, berarentzat funtzio bereziena fotokazetaritza da. Fotokazetaria, argazkien bidez munduan gertatzen denaren berri kontatzen duen pertsona bezala definitzen du. Milaka istorio eta egoera islatu ditu bere argazkietan, esaterako, euskal gatazka, alardea edota Irungo etorkinen gaia.
Bertso txapelketa nagusiko argazkiak ere atera izan ditu urte luzez. Bertso emanaldietako argazkia geldoa dela dio. Hala ere, dokumentazio lanetik at hori baino gehiago egiteko izaten dituen gogoez aritu da. Begiradetan, keinuetan, espazioetan… aurkitzen du bere zirrikitua. Gaineratu du, bertsolaria ganbaratik oholtzara doan momentua dela azpimarragarriena.
Irungo Harrera sarea
Hesirik gabeko muga izan arren pasatu ezin duten muga izaten jarraitzen duela gaineratu du. Egoera hau argazkietan islatzeko mugaren gogortasuna baino etorkinen jarrera inporta zaiola dio.
Irungo bertsoaldi onenak
Igandeko programan bezperako saioko bertsoaldi onenen aukeraketa ikusteko aukera izango da. Larunbatean jokatuko den saioan honako bertsolari hauek hartuko dute parte: Ane Labaka, Jone Uria, Maddalen Arzallus, Miren Artetxe, Nerea Ibarzabal eta Sustrai Colina. Gai jartzaile lanetan berriz, Maialen Belarra arituko da.
