Txapelketa Nagusia - finala 2022-11-15

Iñaki Muruak jantziko dio irabazleari txapela

Iñaki Muruak jantziko dio irabazleari txapela
Bertso munduan egindako «ageriko zein isilpeko lan handia eskertu nahi dizkio» Bertsozale Elkarteak.

Iñaki Murua (Gabiria, 1956) bertsolariak eta Bertsozale Elkarteko lehendakari ohiak jantziko dio irabazleari txapela Iruñeko finalean, Bertsozale Elkarteak iragarri berri duenez. Bertso munduan egindako «ageriko zein isilpeko lan handia eskertu nahi dizkio» Bertsozale Elkarteak «omenaldi berezi hau egin nahi izan dio finalean, egindako lana itzulezina bada ere, ikusgarri egin eta merezimenduaren aitortza moduan».

Gabiriarra gazterik hasi zen bertsotan, 15-16 urterekin, eta 18 urte ingururako garaiko bertsolari onenekin ari zen plazan. Mende erdi bueltako bertsolaritza bidea egin du Muruak. Plazan zein txapelketa lehen lerroan ibili da urte askotan. Bertsolaria ez ezik, bertsolaritza mugimenduko eragile handia izan da Iñaki. Bertsolari gisa 1982an aurkeztu zen lehen aldiz Bertsolari Txapelketa Nagusira, eta 1986koan eta 1989koan finalera iritsi zen. Finalista izan zen Gipuzkoako 1991ko eta 1995ko txapelketetan ere.

Bertsozale Elkartearen sorrerako kide izan da eta lehendakari gero, 2005-2018 bitartean. «Lehendakari izan denean zein ez, bertso munduan oso presente egon da Iñaki beti. Gaur egun ere, figura oso garrantzitsua izaten jarraitzen du Bertsozale Elkartean. Maitasunetik eta zaintzatik aritzen da beti, eta bertso munduko gazte, heldu, boluntario, langile, zein gertuko guztiek estimu handian daukagu» adierazi du Bertsozale Elkarteak.

Albiste gehiago

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin