Bertsolari bertsozale podkasta 2022-12-16

«Gehien disfrutatu izan ditudan saioak librekoak izan dira»

Josune Aramendi Perez Markina-Xemeingo bertsolaria da aste honetako gonbidatua Bertsolari Bertsozale podkastean. Etxetik datorkio Aramendiri bertsozaletasuna eta eskolan Juanjo Respaldizarekin sakondu zuen bide hori.

Fernando Aire Xalbador eta Lazkao Txiki ditu lehengo bertsolari kuttunenak. Puntu laburrak dituzten doinuak ditu gustuko. Libreko saioak izan dira gehien disfrutatu izan dituenak.

Josune Aramendik txapelketari eskatzen zion plazako errealitatea irits zedila finalera eta, «neurri batean», bete dela uste du, emakumezko bertsolariek oholtza horretan presentzia handiagoa behar dutela uste du ordea. Entzun Josune Aramendiren bertsolaritza esperientzia sareko plazan.