Urtarrilaren 17an, 19:00etan, San Telmo Museoan 2023-01-11

Bertsolaritzaren mugez eta aukerez mahai-ingurua Donostian

Bertsolaritzaren mugez eta aukerez mahai-ingurua antolatu du Donostian Euskal Herriko Unibertsitateak. Zein gorputz daude bertsolaritzan? Zein gorputzetatik da zilegi kantatzea? Nola ireki bideak errealitate aberatsagoei kantatzeko? Galdera horien inguruan ariko dira Onintza Enbeita, Irati Majuelo, Maider Arregi eta Saioa Alkaiza. Urtarrilaren 17an izango da, asteartean, San Telmo Museoan, 19:00etan.

Mahai-inguru hau UPV/EHUko Gorputza, egiletasuna eta generoa euskal kultur sorkuntzan ikerketa proiektuaren barruan kokatzen da. Proiektu horren helburu nagusietako bat diziplina artistiko desberdinen arteko elkarrizketa sustatzea da, eta diziplinarteko ikuspegi batetik heltzea gorputza eta sormen artistikoaren arteko auziari.

Sarrera libre izango da, aforoa bete arte.