Larunbatero 21:00tan ETB1en 2023-01-18

Hitzetik Hortzera Gustuko lekuan, aldaparik ez!

Urtarrila aurrera doan honetan ere bertsoak ez du etenik Hitzetik Hortzera saioan. Aste honetan, Ondarruko Errege eguneko saioko eta Getariko San Antonetako saioko bertsoaldiak izango ditugu. Bestalde, bertso sortei melodia gehitu eta txoko guztietan abestuko diren kantuak sortzetik badaki zerbait aste honetako gure gonbidatuak. Izatez Lasturrekoa da baina egun Itziarren bizi da. Bertara gerturatu da Hitzetik Hortzera Josune Arakistain musikaria elkarrizketatzera. Beraz, ez galdu larunbatero gaueko 21:00etan Hitzetik Hortzera ETB1en.

Huntza

Euskal Herrian ez dira txoko asko izango Huntza taldearen abestiren bat entzun ez duenik. Huntzaren ibilbidea etapa ezberdinetan banatu daitekeela dio Josune Arakistainek. Batez ere, hastapenetan zurrunbiloak oso gazte harrapatu zituela aipatu du, izan ere, Aldapan Gora abestiarekin esan daiteke hasierako malda leunagoa edo ez hain aldapatsua izan zutela beste taldeekin alderatuta. Hala ere, lehen diska grabatzeko erromerietan ibili izana eta hasieran egindako saiakerak ere azpimarratu nahi izan ditu. 

Huntzak Josuneri sortzailea izateko esperantza eman dio, baita musikatik bizitzea hain utopikoa ez izatea ere, nahiz eta egun ez den erabat bertatik bizi. Urte berri honetarako kontzertu mordoa espero dituzte Euskal Herrian zein atzerrian.

Bertsoarekin lotura estua du Josunek, izan ere, trikitixa txapelketetan kopla batzuk egiten hasi zen eta   16 urterekin Itziargo bertso eskolan jarraitu zuen. Huntzako abestiek ere bertsolaritzarekin lotura estua dutela aipatu digu  eta, besteak beste, Ekaitz Goikoetxea, Maialen Akizu, Maider Arregi edota Iñaki Gurrutxaga bertsolariekin elkarlanean egindako lanak gogorarazi ditu.

Tradizioa eta proeiktu berriak

Etorkizun oparoa ikusten dio Josunek trikitixari. Hala ere, tradizionala bezala ulertzen dugun trikitixa bide berriak ezagutzen ari da azken urteotan. Belgika eta Herbeheretako musika elektronikoaren zalea, trikitixa eta elektronika nahastea beti izan duela buruan dio Josunek, eta horrela sortu zuen iaz SÜNE proiektua.

 

Albiste gehiago

Aitor Bizkarra Ruiz - Bertsolari Bertsozale Podkasta 2023-02-03

«Oso zalea naiz mahai-inguruan kantatzearena»

Bertso Eguna - Libreko bertso bakaria 2023-02-02

Unai Iturriaga eta Jexux Mari Irazu librean Bertso Egunean

Bertso Eguna - Libreko bertso bakaria 2023-02-02

Jone Uria eta Sustrai Colina, denboraren tunelean