Larunbatero 21:00etan ETB1en 2023-01-25

Hitzetik Hortzera irabazi edo galdu

Jon Plazaola

Futbolzale amorratua da Jon Plazaola, hala ere, futbol klasikoaren zaleagoa dela onartu du, eta gaur egungo jokua “matematikoagoa” dela esan du. Garai batean futbolean ere jokatu zuen  eta bere taldekideei karikaturak egiten zizkiela aipatu du.

Bertso Derbian, bi aldiz pentsatu gabe egin du Errealaren alde. Anekdota gisara berrogei urte betetzerakoan, bere lagunek errealak liga irabazi zueneko bandeja oparitu ziotela kontatu du. Futbolarekin lotuta ezin ahaztu Anjel Alkainen ondoan egiten zuten Tzanpionza atala. Plazaolak onartu du, Alkaini emaitzak momentuan erakusten zizkiola eta horrek bat-batekotasuna eta freskura berezia ematen ziola egoerari.

Irabazi antzerki emanaldia

Irabazi antzerki obrak, gaur egungo gizartearen konpetentziaz hitz egiten du. Kalean, sare sozialetan… gure bertsiorik onena erakustearen presioaz. Norberaren zoriontasuna ere konpetentzia esparrura eramanda, helburuak eta helmugak bideak baino gehiago balio duen pentsaraztera gonbidatzen du ikuslea Jon Plazaolaren hausnarketa lanak. Jonek dio galtzailearen eremua interesgarriagoa egiten zaiola irabazlearena baino. Izan ere,  galtzailearen etengabeko bilaketa prozesuak, galtzailea bere burua hobeto ezagutzera eramaten duela dio. Bestalde, gidoilaria den aldetik, umorezko istorioak kontatzea gustatzen zaiola esan du eta umorea idaztea polita eta atsegina dela aipatu du. 

Irabazi edo galdu, zuk ez galdu behintzat larunbatero Hitzetik Hortzera gaueko 21:00etan ETB1en