Egun osoko ekitaldia 2023-01-27

Jendetza Bertso Egunerako Azpeitian

Bero erantzun diote bertsozaleek pandemia ondorengo murrizketarik gabeko lehen Bertso Egunari. 200 lagunetik gora bilduko dira bost bertso bakaritan eta gaueko ekitaldirako sarrera guzitak, 300 denera, salduta daude. Bertsozaleen babes horrekin ekingo dio goizetik Bertso Egunak tabernez tabernako bertso poteoarekin, giroak berak sortzen dituen saioei bide emanez.


Bertso Eguna Aramaion, 2019an.

Bost bertso bazkari
Elkarte bakoitzean mota ezberdineko saioa eskainiko da. Tartean, hiru libreko saio izango dira: batean, Jone Uria eta Sustrai Colina ariko dira; bestean, Miren Artetxe eta Saioa Alkaiza; eta hirugarrenean, Jexux Mari Irazu eta Unai Iturriaga. Bertso saio musikatu bat ere izango da, eta han ariko dira Aitor Etxebarriazarraga, Beñat Gaztelumendi, Maddalen Arzallus eta Nerea Ibarzabal, Imanol Artola Felixek gaiak jarrita; musikaren ardura izango dute Gari Otamendik eta Ixak Arrutik. Andoni Egaña eta Nerea Elustondo ariko dira bosgarren bertso bazkarian, Ane Ezenarrok gaiak jarrita. 

Bat-bateko eta bertso jarriak afalostean
Arratsaldean poteoa izango da, eta 21:00etan afaria eskainiko da Elikagunean. Afalosteanbertso ekitaldia Elikagunean bertan. Eñaut Martikorena eta Maialen Lujanbio ariko dira librean; gaiak jarrita, Ane Labaka, Maddi Aiestaran, Peru Abarrategi eta Sarai Robles; eta bertso jarriekin, Aissa Intxausti, Ander Fuentes Itturri, Joanes Illarregi, Josune Aramendi eta Xabat Illarregi. Gai jartzen ariko dira Ane Ezenarro eta Imanol Artola Felix.