Patxi Etxeberriari elkarrizketa 2009-09-23

"Ez nuen pentsatu ere egin bertso-eskolara joango nintzenik"

 Igande honetan omenduko dute Patxi Etxeberria bertsolaria.

 1930ko urriaren 14an jaio zen, Orioko Ortzaika auzoan. 13 urterekin joan zen lehenengo aldiz itsasora, eta han aritu zen lanean hamar urtez. Gerora, 1962an, emazteak (Inaxi Etxeberriak) eta berak arrandegia ireki zuten.

 Familian osaba bat omen zeukan bertsolaria, gerora behin edo behin berarekin kantatua. Gurasoek, hasieran, ez omen zuten ondo hartu bere bertsotarako joera. Hala ere, berean jarraitu zuen, eta 1957an Hernaniko Zikuñaga auzoko txapelketan hartu zuen parte. Txapeldun gelditu zen bertan, eta hortik hasi zen beste plaza batzuk egiten. Txomin Garmendiarekin kantatu zuen gehien, baina baita Arozamenarekin, Joxe Lizasorekin, Basarrirekin eta Uztapiderekin ere, besteak beste.

 Orain dela urte batzuk Lasarteko bertso-eskolan hasi zen bertako kideek animatuta, eta gustura egiten omen du harako buelta. "Ez nuen sekula pentsatuko bertso-eskolan hasiko nintzenik" dio. "Ez dakit bertsolari bezela hobetu ote naizen, baina konturatzen naiz gauza asko lehen ez nekizkienak ba ote dakizkidan". 

• 
•