hamar urte 11 bertso ekimena 2023-03-20

Bertso jarri musikatuen emanaldi arrakastatsua, Tolosaldeko Harituzen 10. urteurrenean

Bertso jarri musikatuen emanaldi arrakastatsua, Tolosaldeko Harituzen 10. urteurrenean

Tolosaldeko Harituz bertso eskolak ekitaldi sorta antolatu du 2023rako, 10 urteurrena borobiltzeko 10 urte hamaika bertso goiburupean eta asteburu honetan bertso jarri musikatuen emanaldia izan da Alkizan, Unai Mendizabalek gidatuta. Belaunaldi desberdinetako bertsolariek jarritako 12 sorta kantatu zituzten joan den larunbatean, gehienak berariaz okasiorako jarriak.


Amaia Agirre eta bere alaba Jarek elkarri puntuak jarrita osatu zuten sorta.



Anjel Mari Peñagarikanok ere kantatu zituen bertso jarriak.


Bertso jarri musikatuen ekitaldiak urteetako bidea egin du Tolosaldean Harituzen eskutik, urtero herri desberdinetan, eta oso harrera beroa izaten du. Bertso eskolako edo eskualdeko bertsolariek ez ezik, bestelako bertsozaleek ere kantatzen dituzte beren sortak.

Bat-bateko saioa ere bai
Bertso jarri musikatuen emanaldia izan arren, aurten Harituzek bat-bateko saiotxo bat egiteko tartea eman dio ekitaldiari. Harituzeko gazteak kanturako gogoz agertu ziren eta musikaz lagundutako saio ederra eskaini zion publikoari.



Harituz Eguna maiatzean eta beste hainbat ekitaldi
Hamar urte Hamaika bertso ekimenaren baitan, Harituzek beste hainbat ekitaldi egingo ditu urtean zehar: bertso-eskoletako umeen asteburu pasa, Harituz Eguna maiatzaren 27an, Joseba Tapiaren emanaldia Tximela kapitainaren izarrak Ekainaren 9an Amasa-Villabonan, Pello Errota Sariketa irailetik azarora, Harituz Bertso jaialdia azaroan eta Gure Bertso Zirkua haur eta helduentzat abenduan eta (H)ari naizela-ren 300. irratsaioa - urte amaieran

Albiste gehiago

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»

Juanjo Uria Zubiarrain - Bertsolari bertsozale podkasta 2024-03-15

Juanjo Uria: bertsoa eragiletzatik eta pasiotik bizi duen hernaniarra

Araitz Katarain, Izaro Bilbao eta Janire Arrizabalaga - elkarrizketa 2024-03-13

«Bertso munduratze prozesu horretan sortzen diren gatazkak gorpuztuko ditugu, mimoz, arduraz eta umorez»

Larunbat gauean 21:00etan ETB1en 2024-03-07

Hitzetik Hortzera Xabier Rico Arabako txapel emailearekin