adin-adin bertso programa zahar etxetan 2023-05-16

Adin-adin: bertsoak, arreta eta irrifarra zahar egoitzetan

Adin-adin bertsolaritza egitasmoaren zortzigarren edizioa bete-betean da Gipuzkoako 21 zahar etxetan, Lankuren eskutik, Gipuzkoako Foru Aldundiak finantzatuta. Egoiliarrentzat arreta handiko tarte gozoa izaten da bertsoarena, bertako langileak ere harritzen dituena. Bertsoarentzat plaza modu ezberdin bat, oso ezaugarri bereziak dituena. Bertsolariak binaka kantatzen dute librean, gazte eta heldu, emakume eta gizonezko. Ostiralean honetan izango du amaiera.

Bertsoa.eus Errenteriako Jesusen Bihotza egoitzako saioan izan da. Andoni Egaña eta Ekhiñe Zapiain aritu ziren bertsotan. Biek elkarrekin egin zuten lehenengo plaza izan zen Adin-adinekoa. Egoitza honetan ondo ezagutzen dute proiektua hasieratik ari baitira bertsoak eskaintzen: «Gurean euskaraz ez dakien egoiliar asko dago eta horiek ere bertso bertsoak entzutera joan nahi dutela esaten digute» esan digu iritsi bezain pronto... bertako langileak. Proiektu honek adinekoei zer aportatzen dieten galdetuta, bi gauza azpimarratu ditu: arreta eta irrifarra: «Hori izugarria da» bota du.



Bertsolarientzat ere barruak mugitzen duen plaza da. Hala adierazi digute bertako egonaldian. Andoni Egaña eta Ekhiñe Zapiain gustura aritu dira bertsotan publikoaren jarraipena azpimarratu dute. Egañak badu eskarmentua plaza modu honetan. Zapiainek lehenbiziko esperientzia zuen.



Adin-adin proiektua ez da ordea egun bakarreko kontua egoitza batean. Saioaren aitzakian bertsoaren eta kantuaren lanketa egiten dute, jendea kantuan jarri, bertsoak edo kantuak oroitu eta kantatu, horrekin lotutako oroitzapenak partekatu... burua, arreta eta emozio positiboen lanketarako aukera handiak ematen ditu bertsoa eta hori ere egoitzetako langileek.

Maitzaren hasieratik ostiral honetara arte 21 egoitzetan izan dira bertso ekitaldiak Gipuzkoako Zaharren egoitzetan. Hona hemen irudi batzuk.





 

Albiste gehiago

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»