Argi Baltza sariketa Busturialdean 2023-06-05

Aitor Etxebarriazarraga III. Argi Baltzako finalera, lehenbiziko kanporaketa irabazita

Atzo jokatu zen Gautegiz-Arteagan Jon Lopategiren omenez abiatu zen III. Argi Baltza Sariketako lehenbiziko kanporaketa eta Aitor Etxebarriazarragak lortu zuen finalerako zuzeneko txartela, saioa irabazita. Oihana Arana sailkatu zen bigarren, Aissa Intxausti hirugarren, Irati Alcantarilla laugarren, Ander Sarriugarte laugarren eta Enare Muniategi seigarren.


Oihana Arana Argi Baltza Sariketan atzo.

Bertsolari gazteei plaza eskaintzea helburu
Bertsolari gazteei plaza bat eskaintzea eta bertsolaritzaren presentzia eskualdeko herrietara zabaltzea ditu helburu Argi Baltza Sariketak, Lilibertso bertso eskolak aurkezpenean adierazi duenez, eta 18-30 urte bitarteko bertsolariek kantatzen dute, eskualdekoak zein Euskal Herri osokoak. Janire Arrizabalaga eta Koldo Gezuraga eman zituzten aurtengo edizioaren xehetasunak.

Igande arratsaldeetan, 18:00etan
Ekaineko domeka arratsaldean bertsoz edertuko ditu Argi Batzak. Hiru kanporaketa eta finala izango ditu. Atzokoa Gautegiz-Arteagan; datozen bi igandeetan Mendatan eta Ajangizen beste bi kanporaketa eta finala Muxikan, ekainaren 25ean, 18:00etan.

Kanporaketa bakoitzeko irabazlea eta lau puntuaziorik altuenak sailkatuko dira. Iaz Ane Zuazubiskarrek irabazi zuen.

Hurrengo bi kanporaketak:
    Ekainak 11, Mendatan (Idatze Etxea): Koldo Muñiz, Koldo Gezuraga, Ane Zuazubiskar, Naroa Torralba, Iker Garitagoitia eta Maddi Sarasua.

    Ekainak 18, Ajangiz (Udal frontoian): Ibai Amillategi, Lurdes Ondaro, Josu Sanjurjo, Maialen Akizu, Kerman Diaz eta Maddi Agirre.
    Ekainak 25, Muxika (Urretxindorra herri eskola).

Finala, ekainak 25, Musikan
III. Argi Baltza Sariketako finala Muxikan izango da ekainaren 25ean, 18:00etan, Urretxindorra herri eskolan.