Bertsozale Elkartearen 20 urteko ekimenez 2023-06-19

Bertsolaritzak kultur ondare aitortza izango du Euskal Herri osoan

Bertsolaritzak Ondare ez-materialeko Kultur Ondasun aitortza izango du Euskal Herri osoan, Bertsozale Elkartearen 20 urtetik gorako lanaren ekimenez, besteak beste. Urteak daramatza Bertsozale Elkarteak UNESCO bezalako nazioarteko erakundeen zein bertako administrazioetan ondare aitortza lortzeko lanean.



Nafarroako Gobernua izan zen lehena bertsolaritza ondaretzat aitortzen, 2018an Nafarroako kultur ondare izentatuta. Nafarroako Bertsozale Elkarteak bideratu zuen eskaria. 2022an Frantziako Gobernuaren eskutik etorri zen aitortza, Bertsularien Lagunak Elkartearen ekimenez.



Datozen hilabeteetan Erdidego Autonomikoan Eusko Jaurlaritzaren aitortza jasoko du bertsolaritzak, Bertsozale Elkartearen eskariz. Bingen Zupiriak iragarri berri du prozesu hori bidean dela.



Bertsolaritza da ondare ez-materialaren «adibiderik argiena», Zupiriaren hitzetan: «Belaunaldiz belaunaldi komunitateak transmititzen, babesten eta aitortzen jakin duen adierazpen bizia da». Bertsolaritzaren «babesa eta transmisioa» bermatzeko konpromisoa du izendapenak.