Miren Artetxe eta Eli Pagola - Ño! komikia 2023-06-29

«Saretzea eta aliantzak keinu txikietan gauzatzen dira maiz eta komikian hori islatu nahi izan dugu»

Bertso saioen aurreko eta ondoreneko momentuetan dago zentratua. Aurreko emakumezko bertsolariei aitortza egin diete, gaurko belaunaldiak umorez interpelatzen jarriaz.

Bertsolaritzako 10 eszena komikira eraman dituzte Miren Artetxe eta Eli Pagola bertsolariek, Maitane Gartziandiak ilustratuta. Ño! du izenburua eta Argiak argitaratu du. Bertsotako eszenak baino saio aurreko eta ondorenekoak kontatzen dira batez ere, detaile txikietan zentratuta. Lan honen jatorria Renon izandako bertsolaritzari buruzko kongresu batean kokatu du Miren Artetxek.



Ño! errima, interjekzioa, emakumeen diminutiboa...
Ño! hitzak ondo islatzen du komiki horren planteamendua eta hasieratik garbi samar izan zuten izenburua, Artetxeren esanetan. Batetik interjekzioa, bestetik bertsotan errima gisa duen oihartzuna, eta emakumeen diminutibotzat erabiltzea, hiruak batean biltzen dituelako.

Miren Artetxe: «Keinu txikietan osatzen da sare handi bat»
Saretzea eta aliantzen garrantziaz hitz egiten denean, hori zein detaile eta keinu txikietan gauzatzen den ekarri nahi izan dute komiki honetan. Hala azpimarratu du Miren Artetxek: «Keinu txikietan osatzen da sare handi bat eta keinu txiki horietan jarri nahi izan dugu arreta».



Eli Pagola: «Bazterrekoagoei begira egin dugu lan hau»
Bereziki aliantza horiek gauzatzen diren eremuari begira egindako lan gisa aurkeztu du Eli Pagola Ño komikia. Bereziki, bertso saioen aurreko eta ondoreneko momentuetan dago zentratua  «azken batean, bertsolarien arteko harremanak hori gertatzen direlako». Umore puntua ere nabarmendu du Pagolak.

Aurrekoei gorazarre
Eszena guztietan Joxepa Antoni Aranberri bertsolaria ageri da, nolabait gaurko belaunaldiak interpelatzen, umore puntu batetik. Pagolaren hitzetan, aitortza egin nahi izan diote aurreko bertsolariei.



Argia.eus-en eskuragarri
Ño komikia Argia.eus-en dago eskuragarri.

 

Albiste gehiago

Jone Uria Albizuri - Señora Sariketako Pameladuna 2024-06-14

«Goazen saiatzera irudikatzen nolakoa nahiko genukeen izatea lehia»

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»