Lesakan, 11:00etan Harriondo Kultur etxean 2023-11-14

'Oinak bidean' Lesakako bertsolaritzaren ibilbide interaktiboa estreinatuko dute igandean

Lesakako bertsolarien biografiak eta haien sorta bana jarri dituzte sarean.

Lesakako bertsolaritzarekin harremana duten 9 leku lotuta, Oinak bidean herriko bertsolaritzan oinarritutako 7,5km-ko ibilbide interaktiboa prestatu dute Irain Eskolak eta Bortziritako Bertso Eskolak, Lesakako Udalarekin elkarlanean. Igande honetan estreinatuko dute, Nafarroako Txapelketako azken finalaurrekoa Lesakan jokatuko dela baliatuta.

Ibilbide gidatua da eta goizeko 11:00etan abiatuko da Lesakako Harriondoa Kultur Etxetik. Bertan egin izan dira Nafarroako Txapelketako saioak eta egun ere bertsolaritzan erreferentziazko toki bat da Lesakan.

Geldialdietan azalpenak
Oinak bidean ibilbideak bederatzi geldialdi ditu, Lesakako bertsolaritzarekin zerikusia dutenak guztiak. Igandean, Lesakako bertsolaritzarekin lotura dute pertsonek azalpenak emango dituzte geldialdi bakoitzean.

Ibilbidea seinalizatzeko kultur etxearen kanpoaldean panel bat jarriko da. Web orri propioa ere badu, Lesakako bertsolaritzaren hainbat informazio eskaintzen duena.

Lesakako bertsolariak eta bertso sortak sarean
Oinak bidean ibilbide interaktiboaren atzean lan handia egin dute Lesakako bertsolaritzaren historia bildu eta sareratzen. Lesakako bertsolari eta bertsolariza eragileen biografiak eta bakoitzaren bertso sorta bana jarri dute sarean, audioan eta idatziz.

Geldialdiak, bertsolaritzak presentzia izan duen guneetan
Ibilbidean barrena, bertsolaritzak presentzia berezia izan duen guneetan geldialdiak kokatu dituzte: saioak egin izan diren lekuak, bertsolarien etxeak, tabernak, bertsotan aipatutako tokiak... ibilbideari forma emanez.

Hori guztia eta gehiago, igandean, 11:00etan Lesakan. Goizean ibilaldia eta arratsaldean Nafarroako Txapelketako azken finalaurrekoa.

Albiste gehiago

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»