Xabat Illarregi Marzol - Nafarroako finalista 2023-11-22

«Bertsotan nahi nuenetik gertu ibili naiz eta finalera begira oraindik gehiago fintzea dut helburu»

Xabat Illarregi Marzol (Leitza, 2001) izango da aurten ere Nafarroako finalistarik gazteena. 22 urterekin bere bigarren finala du eta hirugarren puntuazio altuenarekin sartu da aurtengoan. Leitzarra orokorrean ongi somatu du bere burua bertsotan, egin nahi lukeenetik gertu. Finalera begira, oraindik eta gehiago findu eta beste koska bat aurrera egin nahi luke bere bertsokeran. Mentalki horretarako prestuta dagoela dio. Finalean sartzeak poz eta ilusio handia eman dio eta bertsotarako gogoz joango da Anaitasunara.