Sergio Hernandez Errea « Txentxo » (Mezkiritz, 1979) dugu aste honetako gonbita Bertsolari Bertsozale podkastean. Burlatako ikastolan bertsozaletu zen 11 urterekin. Ogibidez baso eta mendi garbiketa lanetan ari den arren, Euskal Herriko Bertsozale Elkartearekin txapelketetako saioetan muntaketa eta desmuntaketa lanetan dabil boluntario bezala 2013az geroztik, eta beraz, saio askoren lekuko izandakoa da. Entzun Txentxoren testigantza.