EHBT26-Lekunberri
Amets Arzallus: "Txapelketara gogoz etorri naiz"
Lekunberriko saioa irabazi zuenetik egun batzuk igaro eta gero, Bertsoa.eus-ek elkarrizketa egin dio Amets Arzallus Antiari. Saioaren errepaso patxadatsua egiteaz gain, Txapelketarako motibazioez ere hitz egin digu hendaiarrak. Elkarrizketa osorik entzungai duzue.
Bideo podcasta
Bidegurutzean bideo podcastaren laugarren atala eskura
"Kantatzen ez duenak zorionik ez du", hala dio euskal abesti ezagunak. Baina zer da ondo kantatzea? Kantakerak zer garrantzia du bertsolaritzan? Lantzen ote da bertso eskoletan? Galdera horien bidegurutzeetan murgildu dira Ainhoa Sarasua Laskarai bertso irakaslea eta Nahia Zubeldia musikari eta kantaria. Ohi bezala, Onintza Legorburu Larreak egin ditu gidari lanak. Bidegurutzen bideo podcastaren orain arteko lau atalak podcasten atalean dituzue.
EHBT26
Finalerako sarrerak amaitu dira
Euskal Herriko Bertsolari Txapelketak olatua sortu du aurten ere. Horren seinale finalerako sarrerak amaitu izana. Eibarko finalaurrekorako ere sarrerarik ez dago, aldiz, beste saio guztietakoak eskura dituzue bertsosarrerak.eus atarian.
Sariketak
Errexil saria abian jartzear da Urruñan
Hirugarren aldiz, Urruña bertsoz jantziko du Errexil sariak. Ostiral honetan izango da lehen saioa Urruñako Postako gelan. Bertsoak Ortzi Idoate Bertsularien Lagunak elkarteko sustapen arduradunari egindako elkarrizketa entzungai duzue.
Berriak
EHBT26-Lekunberri2026-10-29
"Inoiz ez bezala, bakarkakorako kontzentratzea asko kosta zitzaidan"
Amets Arzallus Antia Lekunberriko saioaren digestioa egiten ari da oraindik, baina orduak igaro ahala, hasieran lainopean eta zalantzatsuago ikusten zuenak ondoren ona utzi dio. Finalaurrekoen lehen fase honetan, Bertsoa.eus-ek elkarrizketa patxadatsuagoak eskainiko dizkizue saioetako irabazleekin, oholtza gaineko lanak amaitu eta zenbait egunetara.