Arabako bertsolari txapelketa 2024 2024-02-12

Iñaki Viñaspre Arabako finalerdietara Laudion irabazita

Arabako Bertsolari Txapelketako hirugarren eta azken kanporaketa jokatu zen atzo iganden Laudion eta Iñaki Viñaspre abetxukoarrak eskuratu zuen finalerdietara zuzenean sailkatzeko txartela. Publiko aldetik Arabako Txapelketak aurten daraman indarraldi bereziari eutsi zion atzkoan ere. 13na bertso puntuagarri kantatuta, Viñasprek 263 puntu eskuratu zituen. Hona hemen sailkapena:

Iñaki Viñaspre:            263 puntu
Asier Otamendi:          251.5 puntu
Unai Anda:                  251 puntu
Izar Mendiguren:         241.5 puntu
Martin Abarrategi:       233.5 puntu
Felipe Zelaieta:           214.5 puntu

Hamaihiru lagunez osatutako gai-jartzaile taldetik Oier Azkarraga Grajales izan da Laudioko aurkezlea. Lehen faseko, final laurdenetako epaimahaia, horrela osatuta dago: Ekaitz Elorriaga Anduaga, Aitor Jimenez Tolosana eta Egoitz Iradier Martinez de Albeniz. Endika Jimenez Enbeita idazkari lanetan.

Finalerdietako zerrenda erabakita
Hiru finalaurreko jokatuta, 18 bertsolaritik 12 sailkatu dira finalerdietara. Saioetako hiru irabazleak eta bideratzi puntuazioz. Peru Abarregi, Aroa Arrizubieta eta Iñaki Viñaspre sailkatu dira beren saioa irabazita. Puntuazioz: Manex Agirre, Xabi Igoa, Asier Otamendi, Unai Anda, Eli Zaldua, Aitor Ugarte, Paula Amilburu, Ekaitz Samaniego eta Izar Mendiguren. Ordezko postuan, 13. Maddi Agirre gelditu da, 12.arekin berdinduta.

Puntuazioak estu
Txapelketan puntuazioak estu izaten dira gehienetan eta halaxe gertatu da Arabako final laurdenetan ere. Sailkapen buruan, bost bertsolari sailkatu dira lau punturen barruan. Beheko aldean, hiru bertsolari puntu baten barruan eta berdinketa 12. eta 13. postuaren artean.