Joan zen ostiralean hasi zen bertso-afari batekin 2009-10-20

"Bertsoberriz Altsasun" antolatu dute aurten ere

 Aurten ere "Bertsoberriz Altsasun" zikloa antolatu dute Altsasuko Kima Euskara Taldeak eta Nafarroako Bertsozale Elkarteak. Aurtengoa bigarren edizioa izango da, eta sakanarren artean bertsozaletasuna zabaltzea du helburu.

 Aurtengo zikloa joan zen ostiralean hasi zen, Jexux Mari Irazuk eta Julen Zelaietak egin zuten bertso-afariarekin. Saio horrez gain beste hiru saio antolatuko dituzte. Alde batetik, bertsoa eta rapa uztartuko dituzten bi saio egingo dira gaztetxean. Data oraindik ez dute jakinarazi.

 Bestalde, bertso-saio arrunt bat ere egingo da Iortia kultur gunean. Euskal Herriko Bertsolari Txapelketa Nagusian ari diren 6 bertsolarik kantatuko dute bertan. Data oraindik ez dute zehaztu, baina sarrerak 3 eurotan jarriko dituzte salgai.

 Azkenik, bertsora hurbiltzeko saioak antolatuko dira, Euskal Herriko Bertsolari Txapelketa jokoan dela baliatuz.

• 
•